ملی مقاومت کینگشی: پاکستاندن قیتگن مهاجرلر معین منطقه‌لرده جایلشتیریله‌دی
۸صبح، کابل: افغانستاننی قوتقریش اوچون ملی مقامت کېنگشی پاکستاندن چیقاریلگن مهاجرلر مملکت‌نینگ «معین منطقه‌لریده» جایلشتیریلیشیدن خواطر بیلدیرگن دیر.
اوشبو کېنگش ۲۸- عقرب یک‌شنبه کونی بیر اعلامیه نشر قیلیب، پاکستاندن مملکت‌گه قیتگن مهاجرلر افغانستان یشاووچیلری بۉلگن تقدیرده، اولرنینگ مملکتده یشش جایلری انیق دیر و اصلی منطقه‌لریده جایلشتیریلیشلری کېره‌ک دېب ایتگن.
اعلامیه‌ده کېلیشیچه: «قیتیب کېلگن مهاجرلرنی معین منطقه‌لرده جایلشتیریش بو جریاننی سیاسیلشتیریش دیر افغاسنتان خلقی‌نینگ بوگون و کېله‌جگی بیردملیگینی اورته‌دن اېلته‌دی.
«اگر بیرار معین لایحه بۉلمه‌گن حالده، قنده‌ی قیلیب طالبلر قیتیب کېلگن مهاجرلرنی انیق ولایتلر اینیقسه افغانستان شمالی ولایتلری‌نینگ معین منطقه‌لریده جایلشتیره‌دی. بو ایش معین منطقه‌لرنینگ دموگرافی و اجتماعی تۉقیلیشینی بوزیش اوچون رېجه‌لشتیریلگن دیر بونینگ الاوی طالبلر قۉشیمچه هیچ کمینی آمان قۉیمه‌یدی» دېیلگن اوشبو کېنگش اعلامیه‌سیده.
افغانستاننی قوتقریش اوچون ملی مقاومت کېنگشی نینگ قۉشیمچه قیلیشیچه: «فرض قیله‌یلیک، بو سیاسی کۉچیش طالبان‌نینگ ناقانونی حکمرانلیگی موجود بۉلگن تقدیرده هم صادر بۉله‌دی و دوام اېته‌دی؛ اېرته‌گه افغانستاندهگی وضعیت اۉزگریشی بیلن بو کۉچیریلگن آدملرنینگ بو حدودلرده یشش امکانیتی بۉله‌دیمی؟»
اوشبو کېنگش بیرلشگن ملتلر تشکیلاتی و خلق ارا همجمعیت‌دن کېنگ قمراولی و خالص خلق ارا دستور آرقلی پاکستاندن چیقاریلگن قاچقینلر و باش‌پناه ایزلاوچیلرنینگ جایلشیشینی کوزه‌تیشنی سۉره‌دی و قۉشیمچه قیلدی: «بو جریان سیاسیلشتیریلیشی و طالبان گروهی‌نینگ نامطلوب و ایرمه‌چیلیک لایحه‌سی اساسیده آلغه آلیب باریلسه یشش شرایطی و منطقوی خوفسیزلیک بوندن کۉپراق خوفگه دوچار بۉله‌دی.»
۸صبح کونده‌لیگی‌نینگ خلاصه‌لری شونی کۉرسه‌ته‌دیکی، پاکستاندن کۉچیریلگن افغانلر نینگ ۳۰۰ گه یقین عایله‌سی جوزجان، فاریاب، سرپال و سمنگان ولایتلریگه کۉچیب اۉتگن.
منبعلرنینگ ادعالریگه کۉره، طالبان‌نینگ بویروغیگه کۉره ۱۳۰۰ عایله جوزجان‌گه، ۱۱۰۰ عایله فاریاب‌گه، ۴۱۰ عایله سرپل‌گه، ۵۰عایله سمنگان‌گه کېتگن. بو جریان باشقه ولایتلرده هم دوام اېتماقده.
بو ولایتلرنینگ توب اهالیسی بو مهاجرلرنینگ اکثریتی پاکستان طالبانی حرکتی‌نینگ عایله‌لری و حزب اسلامیگه تېگیشلی «شمشتو کمپی» اهالیسی اېکنینی ادعا قیلماقده.
