ناروی قاچقینلر کېنگشی: افغانستان اوچون انسانپرورلیک بودجه اېنگ قویی درجه‌گه توشیب کېتگن
۸صبح، کابل: ناروی قاچقینلر کېنگشی بو ییل افغانستان اېنگ کم انسانپرورلیک بودجه‌سینی آله‌دیگن مملکتلردن بیری اېکنینی ایتگن.
اوشبو کېنگش، چهارشنبه کونی، ۱۰ سرطان، اعلان قیلگن حساباتیده افغانستان ایلک بار ناروی قاچقینلر کېنگشی تامانیدن دنیاده‌گی اعتباردن چېتده قالگن انقراضلر رۉیخطیگه کیریتیلگنینی بیلدیرگن.
ناروی قاچقینلر کېنگشی باشلیغی یان ایگلند، انسانپرورلیک یاردمی بودجه‌سی نینگ کمه‌ییشی ۲۱.۹ میلیون آدم یاردمگه محتاج بۉلگن و میلیونلب انسانلر قۉشنی دولتلردن قَیته‌یاتگن بیر پیتده یوز بېره‌یاتگنینی ایتگن.
او قۉشیمچه قیلگن: «دونرلر میلیونلب آدملر آچلیک و امیدسیزلیککه دوچ کېلیشیدن آلدین آگاهلنتیریشلرگه قولاق توتیشلری کېره‌ک.»
اونینگ سۉزلریگه کۉره، افغانستان اوچون انسانپرورلیک بودجه‌سی نینگ کمه‌ییشیگه امریکانینگ اوشبو مملکتگه بۉلگن گومانیتار یاردمینی تۉخته‌تیشی سبب بۉلگن.
شو بیلن بیرگه، بیرلشگن ملتلر تشکیلاتی افغانستاننی دنیاده‌گی اېنگ چوقور انسانپرورلیک انقراضلریدن بیریگه دوچ کېلگن مملکت دېب اته‌گن.
