پاکستان خیبر پختونخواه‌ده بېش نفر «ترورچی» اۉلدیریلگنینی معلوم قیلدی
پاکستان خوفسیزلیک منبعلری اوشبو مملکت پولیسینینگ خیبر پختونخواه ایالتی‌نینگ تورلی حدودلریده اۉتکزگن علیحده عملیاتلری دوامیده بېش نفر «ترورچی» اۉلدیریلگنینی معلوم قیلدی.
دان نشری یک‌شنبه کونی، ۱۹-جولای، خبر بېریشیچه، اوشبو «ترورچیلر» بنو، جنوبی وزیرستان و دېره اسماعیل خان‌ده اۉلدیریلگن.
خبرگه کۉره، بنو اولسواللیگی‌نینگ باکاخیل حدودیده استخبارات معلوماتلری اساسیده اۉتکزیلگن عملیات دوامیده اوچ نفر «ترورچی» یۉق قیلینگن.
پاکستان پولیسینینگ معلوم قیلیشیچه، خودکش هجومیده فایده‌لنیش رېجه‌لشتیریلگن ماینلشتیریلگن موتر یۉق قیلینگچ و بو‌نینگ نتیجه‌سیده بیر نفر ترورچی اۉلدیریلگن، جنوبی وزیرستان قوییده‌گی وانه حدودیده ییریک ترورچیلیک رېجه‌سی یۉق قیلینگن.
پاکستان خوفسیزلیک منبعلری اوشبو عملیات دوامیده بیر نفر ترورچی اۉلدیریلگنی، ینه بېش کیشی اېسه یره‌لنگنی حقیده معلوم قیلدی.
بو حالت طالبان افغانستانده ینه حاکمیتنی اېگه‌لله‌گنیدن سۉنگ یوز بېرماقده. اسلام‌آباد اوشبو گروهنی پاکستانگه قرشی گروهلرنی قۉللب-قوّتلشده عیبله‌ماقده. بیراق بو عیبلاولر طالبان تامانیدن دایم رد اېتیب کېلینماقده.
