پاکستان، پشاورده‌گی «ناقانونی» مهاجرلرنی اوشلب آلیش جریانینی باشله‌دی
۸صبح، کابل: پاکستان مطبوعاتی بو مملکت حکومتی پشاورده هم «ناقانونی» مهاجرلرنی حبسگه آلیش و چیقاریش جریانینی باشله‌گنی حقیده خبر بېردی.
اکسپرس تربیون ۲۸- عقرب، یک‌شنبه کونی خبر بېریشیچه، حبسگه آلینگنلرنی سقلش اوچون پشاور نینگ “نصر باغ” حدودیده مخصوص کمپ تشکیل اېتیلگن.
رسمی منبعلر نینگ اوشبو یېتکرمه‌گه معلوم قیلیشیچه، پاکستان پولیسی افغان قاچقینلرینی ییغیش و تشیش بیلن شغللنه‌دی و اوّل اولرنی “جمعه خان مرکزی” دېب ناملنووچی قماقخانه‌گه اۉتکزیب، کېین یوتلریگه قیتره‌دی.
اوشبو حساباتگه کۉره، یوزلب افغان قاچقینلری اۉشه مرکزگه کۉچیریلگن.
حاضرگچه افغانستان‌گه ترخم و چمن چېگره بدرلریدن ۳۱۷ مینگدن آرتیق مهاجر قَیتگن.
عینِ پیتده بیرلشگن ملتلر تشکیلاتی نینگ قاچقینلر بۉییچه عالی کمیسارلیگی پاکستان‌دن مهاجرلرنینگ مجبوری قَیتیشی افغانستاندهگی انسانی بحراننی ینه‌ده چوقورلشتیریشینی ایتدی.
تشکیلات ۲۶- عقرب، جمعه کونی بېرگن حساباتیده بو بې‌وقت مؤسسه قَیتگنلر کېلیشی بیلن افغانستان اوی-جای، ساغلیقنی سقلش خدمتلری و ایش ا‌ۉرینلری کبی معمالر بیلن کۉپراق رۉپه بۉلیشلری ممکن.
