پوتین: اوکراین حربی قابتلیتینی یۉق اېتگونگه‌قدر اوروشگه دوام بېره‌من
روسیه جمهور رییسی ولادیمیر پوتین مملکتی نینگ اوکراین برابریده‌گی اوروش آماجی اۉزگرمه‌گن. «کی‌یف علمده‌گی حکومتی» و بو مملکت نینگ حربی کوچینی یوقاتگونچه قدر اوروش دوام اېتیشینی ایتگن.
خلق ارا عاموی اخبارات واسطه‌لری نینگ گزارش بېریشیچه، ۱۴- دسامبر پنج‌شنبه کونی او خبری بیر انجمنده حاضرگی کونده 244مینگ حربی کوچ تۉغریدن – تۉغری اوکراین بیلن اوروش منطقه‌لریده حضوری بار دېگن.
اونینگ سۉزلریگه کۉره، اوکراین بیلن اوروشیش اوچون مسکو حربی کوچلرنی جذب اېتیش ایکّینی تولقینیگه اۉتیش احتیاجی بار.
اونینگ ایتیشیچه: «مېن آلدینراق ایتگن نرسه‌لرنی ینه اېسلب اۉته‌من: «اوکراین حربی‌سیزلنتیریلیشی و کی‌یف تامانیدن طرف‌سیزلیک اعلان قیلینیشی.»
پوتین نینگ قۉشیمچه قیلیشیچه، بونده‌ی موردلرنینگ حل یۉلی نهایت «مذاکره یا زور» بیلن قۉلگه کېلیشی ممکن دېدی.
روسه جمهور رییسی نینگ بو قبیل سۉزلری هر ایکّی مملکت اۉرته‌سیده‌گی اوروشدن ایکّی اۉته یاتگن بیر چاغده تیلگه آلینماقده.
گزارشلرگه کۉره، سۉنگی نېچه آی ایچیده اوروش جبهه‌لریده مسکو حربیلرنینگ باسیمی نتیجه‌سیده اوکراین حربیلری نینگ بعضی جبهه‌لرده آرتگه چېکینیشیگه سبب بۉلگن.
