شی جین‌پینگ: چین و روسیه بیر-بیرینی قۉللب-قوّتلشی کېره‌ک
چین جمهور باشلیغی شی جین‌پینگ روسیه تشقی ایشلر وزیری سرگیی لاوروف بیلن اوچره‌شوویده چین و روسیه بیر-بیریگه ایشانیشی و بیر-بیری نینگ منفعتلرینی حمایه قیلیشی کېره‌کلیگینی ایتدی.
چین جمهور باشلیغی و روسیه تشقی ایشلر وزیری چهارشنبه کونی، ۱۵- اپریل، بیجینگ‌ده اوچره‌شیب، ایکّی تامانلمه مناسبتلرنی مستحکملش بۉییچه صحبت قیلدیلر.
دنیانینگ ایکّینچی ییریک اقتصادیاتی باشقه قۉشنی دولتلر بیلن علاقه‌لرینی کېنگه‌یتیره‌یاتگن بیر پیتده، روسیه‌گه چین‌نینگ دۉستلیگی دوام اېتیشینی تأکیدله‌دی.
جاری ییلده بیر قطار غربی یېتکچیلر چین‌گه تشریف بویوردی، جمله‌دن اسپانیا، بریتانیا و کانادا باش وزیرلری هم چین بیلن مناسبتلرنی یخشیلشگه اینتیلگن.
تخمین قیلینیشیچه، پوتین و شی جین‌پینگ جاری ییلده اوچره‌شوو اۉتکزیب، چین و روسیه همکارلیگینی تصدیقله‌یدی.
سۉنگگی ییللرده چین دنیاده کۉپ قطبلی، تېنگ و ترتیبلی تیزیم یره‌تیشگه اورغو بېرماقده؛ بو تیزیمده هر بیر دولت اۉز فکرینی بیلدیریش حقوقیگه اېگه بۉلیب، ییریک کوچلر اېسه کۉپراق مسوولیت آلیشی کېره‌کلیگی تأکیدلنه‌دی.
