دونالد ترمپ: روسیه و اوکراین اۉرته‌سیده‌گی اۉت آچیشنی تۉخته‌تیش مدتی اوزه‌یتیریلیشی ممکن
امریکا جمهور باشلیغی دونالد ترمپ، روسیه و اوکران اۉرته‌سیده‌گی اۉت آچیشنی تۉخته‌تیش جریانی اوزه‌یتیریلیشی احتمالی بارلیگینی ایتگن و ایکّی مملکت اۉرته‌سیده‌گی اوروش توگه‌شینی ایسته‌شینی بیلدیرگن.
تاس اخبارات آژانسی شنبه کونی اېرته‌لب، ۹ می‌ده‌گی خبریگه کۉره، ترمپ بو بیاناتنی آق اوی حویلیسیده ژورنالیستلر بیلن صحبت چاغیده بیلدیرگن و شونده‌ی دېگن: «مېن بو اوروش نینگ توگه‌شینی خواهله‌یمن.»
او قۉشیمچه قیلگن حالده، روسیه و اوکراین اۉرته‌سیده‌گی اۉت آچیشنی تۉخته‌تیش جریانی «اوزاقراق مدتگه» اوزه‌یتیریلیشینی ایسته‌شینی ایتگن.
حساباتگه کۉره، روسیه جمهور باشلیغی وله‌دیمیر پوتین بویروغیگه بناءً، ۸- ۱۰-می کونلری ایکّینچی جهان اوروشیده آلمان نای اوستیدن قازانیلگن غلبه نینگ ۸۱ ییللیگی مناسبتی بیلن اۉت آچیشنی تۉخته‌تیش اعلان قیلگن.
شو بیلن بیرگه، روسیه و امریکا رسمیلری اۉرته‌سیده‌گی تېلفون قۉنغیراقلری همده واشنگتن‌نینگ کی‌یف بیلن مذاکره‌لری نتیجه‌سیده ۹ – ۱۱-می کونلری اۉت آچیشنی تۉخته‌تیش بۉییچه کېلیشووگه اېریشیلگنی خبر قیلینگن.
روسیه مدافعه وزیرلیگی معلوم قیلیشیچه، بو مملکت کوچلری ۸-می یریم کېچه‌دن باشلب حربی حرکتلرنی تۉخته‌تگن، بیراق اوکراین هنوز روسیه حربی پوسته‌لری و اَیریم عاموی انشااتلرگه هجوملرینی دوام اېتتیرماقده.
