فرانسه: مکرون نینگ یوقاری مرتبه‌لی دیپلماتی مسکوده روسیه رسمیلری بیلن اوچره‌شدی
فرانسه جمهور رییسی نینگ یوقاری مرتبه‌لی دیپلماتی امانویل بون، مسکوده، روسیه رسمیلری بیلن اوچره‌شیب، مذاکره‌لر اۉتکزدی.
رویترز، ۴- فبروری، چهارشنبه کونی، خبردار منبعلرگه ته‌یه‌نیب خبر بېریشیچه، اوشبو اوچره‌شوودن کۉزلنگن اساسی مقصد مهم مسأله‌لر، خصوصاً اوکراین بحرانی یوزه‌سیدن ملاقات بۉلگن.
خبرگه کۉره، فرانسه جمهور رییسلیگی بو اوچره‌شوونی نه تصدیقله‌گن و نه انکار اېتگن، فقط مذاکره‌لر تخنیکی درجه‌ده همده اوکراین و باشقه اساسی اروپالیک همکارلر بیلن مصلحتلشگن حالده آلیب باریلگنینی بیلدیرگن.
معلوماتلرگه کۉره، بون روسیه جمهور رییسی نینگ مصلحتچیسی، یوری اوشاکوف، بیلن اوچره‌شگن و بو باره‌ده اروپالیک اتفاقچیلر هم خبردار قیلینگن.
مذکور اوچره‌شوو ، امانویل مکرون نینگ اۉتگن ییل دسامبر آییده بېرگن آگاهلنتیریشیدن سۉنگ بۉلیب اۉتدی. اونده فرانسه جمهور رییسی، اگر امریکا یېتکچیلیگیده‌گی تینچلیک سعی-حرکتلری موفقیتسیز توگسه، اروپالیکلر ولادمیر پوتین بیلن تۉغریدن-تۉغری مذاکره‌لرگه قیتیشگه مجبور بۉلیشینی تأکیدلگن اېدی.
