روسیهنینگ اوکراین حدودیگه راکت و درون هجوملری عاقبتیده تۉقّیز کیشی جان بېردی
منبعلرنینگ معلوم قیلیشیچه، روسیهنینگ دوشنبه تانگیده پایتخت کییف شهریگه اویوشتیرگن راکت و درون هجوملری تورر جای بنالری و تورر جای مجموعهلرینی نشانگه آلیب، کمیده ۹ کیشینینگ جان بېریشیگه و ۴۶ کیشینینگ یرهلنیشیگه سبب بۉلگن.
رویترز، دوشنبه کونی، ۶ جولای، خبر بېریشیچه، روسیهنینگ اوکراین پایتختیگه اویوشتیرگن اوشبو راکت و درون هجومی اۉتگن دَم آلیش کونلری روسیهنینگ اوشبو شهرگه اویوشتیرگن قانلی هجومیدن اتیگی بیر نېچه کون اۉتیب صادر بۉلگن.
خبرگه کۉره، کییف شهر حربی مأموریتی رهبری تیمور تکاچنکو، پایتختدهگی قربان بۉلگنلر سانی ۹ نفرگه یېتگنینی، شهر بۉیلب اېسه ۴۶ کیشی جراحتلنگنینی اَیتگن.
شونینگدېک، کییف فوق العاده وضعیتلر خدمتی اوشبو هجوم عاقبتیده کمیده ۱۵ ته تورر جای بناسی شکستلنگن یاکه ویران بۉلگنینی معلوم قیلگن.
روسیهنینگ اوکراینگه قرشی اوروشی تۉرت ییلدن بویان دوام اېتماقده و شو وقتگچه بو مملکتده کۉپلب تینچ اهالی قربان بۉلگن.
