شاهین: طالبان هندو و سیک‌لر نینگ تارتیب آلینگن برچه ییر و ملک‌لرینی قیتریب بیرهدی
۸صبح، کابل: دوحه ده طالبان سیاسی دفتر باشلیغی گه کوره، طالبان سابق حکومت تېزیمیده هندو و سیک‌لر نینگ تارتیب آلینگن برچه ییر و ملک‌لرینی قیتریب بیرهدی.
دوحه ده طالبان سیاسی دفتر باشلیغی سهیل شاهین، ۲۲ حمل، چهارشنبه کونی«دهندو» گه، اوشبو گروه عدلیه وزیرلیگی نینگ ییتکچیلیگیده‌گی کمیسیون اوشبو مقصد بیلن شکللنگنینی اېتگن.
اونینگ کوپه‌یتیریشیچه، هندو و سیک‌لر افغانستان اقتصادیاتی رواجلنیشی اوچون مهم رول اوینه‌گنلر.
اوشبو یېتکرمه هندی رسمی‌لریدن نقل قیلیب یازیشیچه، بو حرکت «طالبان نینگ هندولر گه نسبتن مثبت حرکتی» بولیشی ممکن.
طالبان ایکّینچی مرته حاکمیت نی آلیشی بیلن افغانستان‌لیک هندو و سیک‌لردن بیرقطاری بو گروه تامانیدن یره‌تیلگن چېکلاولر طفیلی مملکت نی ترک قیلیب آزچیلیک مذهبی و اېتنیک گروه‌لر احوالینی خواطرلی دیگنلر.
طالبان کابل گه کېریش‌لری بیلن آزچیلیک مذهبی و اېتنیک گروه‌لر قۉللب-قوتلنیش وعده‌سینی بیردی، بیراق حاکمیت‌لریدن ایکّی ییلدن کوپ اۉتماقده اېکن آزچیلیک مذهبی و اېتنیک گروه‌لرنی قۉللب-قوتلش اوچون بیرگن وعده‌لری گه عملی قیلمه‌گن.
عین‌حالده، طالبان اۉزی مملکت یشاوچیلری نینگ ییر و ملک‌لرینی تارتیب آلیش گه عیبلنگن.
