سراج‌الدین حقانی نینگ یقینلری خوستده نېچه کیشینی اوشلب آلگن
۸صبح، خوست، خوستده‌گی محلی منبعلر طالبان ایچکی ایشلر وزیرلیگی سرپرستی سراج‌الدین حقانی‌گه وفادار آدملرنینگ زورگویلیگی و بیر قنچه آدملرنی اوشب آلگنیدن خبر بېره‌دیلر.
منبعلر ۲۸- قوس، سه‌شنبه کونی، نېچه کوندن بېری بیر قنچه قوراللی آدملر طالبان ایچکی ایشلر وزیرلیگی تامانیدن معرفی‌نامه مکتوب قۉللریده بۉلگن حالده، اۉزلرینی سراج‌الدین حقانی‌گه یقین آدم تانیشتیریب خوست شهری یشاوچیلرینی آزار و اذیت قیلیشگه باشله‌گن دېگنلر.
منبعلرنینگ کۉپه‌یتیریشیچه، اوشبو قوراللی شخصلر فروشگاه و تجارتی مارکیتلر اېگه‌لرینی آگاهلنتیریب، بوندن کېین شهر چوکی‌دارلری بولردن کیملیک کارت آلیشلرینی سۉره‌گن.
منبع، چوکی‌دارلیک پولی تجارت مرکزلری اېگه‌لری آرقلی بو گروهگه تاپشیریلیشی و اولر اۉزلری چوکی‌دارلرگه آیلیک معاش بېریشلرینی ایتگن.
منبع نینگ معلوماتی اساسیده، مذکور گروه حاضر چوکی‌دارلر بیرلشمه‌سی مسوولی شامل سکّیز چوکی‌دارنی اوشلب آلگنلر و خوست ولایتیده طالبلر امنیه قوماندانی هم بولر بیلن هماهنگ دیر.
تجارتی مارکیتلرنینگ اېگه‌لری، اوشبو شخصلر چوکی‌دارلر پولیدن شخصی فایده‌له‌نیش اوچون سعی وحرکت قیله‌دیلر دېب ایتگن.
ایریم بهانه‌لر بیلن مملکت نینگ یشاووچیلری طالبان تامانیدن اوشلب آلینیب آزار و اذیت بۉلیشلری ینگی مورد اېمس دیر.
