منبعلر: طالبان بادغیس‌ده ایکّی کیشینی آتیب اۉلدیردی
۸صبح، بادغیس: بادغیس‌دن منبعلر طالبان گروهی اوشبو ولایتده ایکّی کیشینی آتیب اۉلدیرگنینی اَیتماقده.
بو منبعلر پنج‌شنبه کونی، ۲۹ اسد، ۸صبح گزېته‌سیگه اَیتیشیچه، اوشبو ایکّی کیشی اۉتگن کون توش‌دن کېین ساعت اطرافیده طالبان تامانیدن آتیب اۉلدیریلگن.
اولر‌نینگ اَیتیشیچه، بو شخصلر طالبان استخباراتیگه علاقه‌دار جنگچیلر تامانیدن قلعه‌نو شهری‌نینگ ایچیده اۉلدیریلگن.
حاضرگچه اۉلدیریلگن شخصلر‌نینگ کیملیگی و قه‌یېرلیک اېکنی بیللی اېمس.
شو بیلن بیرگه، طالبان وقتی-وقتی بیلن اَیریم شخصلرنی اۉغریلیک، اوشبو گروه جنگچیلری بیلن تۉقنه‌شیش، شونینگدېک، قوراللی قرشیلیکده عیبلب، آتیب اۉلدیره‌دی.
بو حالت بوندن بیر نېچه کون آلدین هم طالبان کابلده اَیریم شخصلرنی اۉغریلیکده عیبلب، آتیب اۉلدیرگن بیر پیتده یوز بېرماقده.
