استانکزی: مکتبلرنینگ یاپیق قالیشی مردم و طالبان اۉرته‌سیده فاصله یره‌تگن
۸صبح، کابل: مملکت‌ده قیزلر مکتبی نینگ یاپیلگنیدن ایکّی ییلدن کۉپ وقت اۉتیشیگه قره‌مه‌ی، طالبان تشقی ایشلر وزیرلیگی نینگ سیاسی اۉرین باسری شیر محمد عباس استانکزی مکتبلرنینگ دروازه‌سی یاپیق قالیشی خلق و ایریم مملکتلرنینگ بو گروه‌دن فاصله آلیشی نینگ اصلی عامللریدن دېب ایتگن.
استانکزی ۱۶- قوس پنج‌شنبه کونی کابل شهریده اۉتکزیلگن بیر برنامه‌ده علم‌سیز جمعیت «قرانغو» دیر دېگن.
اونینگ سۉزلریگه کۉره: «بو هر کیم نینگ حقی دیر، بو خد و رسول نینگ بېرگن طبیعی حقی دیر، جماعه و طبیعت نینگ بېرگن حقی دیر، کېمسه بو حقنی تارتیب آلسه قنده‌ی بۉله‌دی. اگر بو حقنی بیراو آلسه، افغانلر و بو مملکت اهالیسی مقابلیده آچیق بیر ظلم و تجاوز دیر.»
طالبان تشقی ایشلر وزیرلیگی نینگ سیاسی اۉرین باسری: «تعلیم دروازه‌سینی برچه نینگ یوزیگه آچیش اوچون سعی و تلاش قیلینگ، بوگون بیزلرنینگ قۉشنی و دنیا بیلن بۉلگن یگانه قیینچیلیگیمیز تعلیم اوستیده دیر و بوگون بیزلردن فاصله آلیشگه سبب بۉله دیگن یگانه نرسه منه شو تعلیم مساله‌سی دیر.» دېگن.
استانکزی بوندن آلدین هم تحصیل کیشی زوردن آدملردن تارتیب آله دیگن نرسه اېمس دېگن اېدی.
شونینگدېک ایکّی ییلدن کۉپ وقتدن بېری قیز مکتبلر دروازه‌سی طالبلر تامانیدن یاپیب قۉییلگن.
دنیا مملکتلری طالبلرنینگ بو قرارینی هر دایم تقنید قیلیب کېلگن.
هنوزگچه هم طالبان رهبریتی، معارف و عالی تحصیلات وزیرلیگی قیزلرنینگ اۉقیشی منع اېتیلگنی تۉغریسیده‌گی عامل باره‌سیده جوابگر اېمسلر و ایریم موردلرده بو قیینچیلیکنی برطرف قیلیش اوچون تلاشلر جریانی بار دېب ایته‌دیلر و خلاص.
