تاجیکستان افغانستان چېگره‌سیده ایکی عسکری نینگ اۉلیمینی تصدیقله‌دی
۸صبح، کابل:تاجیکستان ملی خوفسیزلیک کمیته‌سی چېگره حدودیده ایکی چېگره قۉریقچیسی نینگ هلاک بۉلگنینی و افغانستان حدودیدن هجوم صادر بۉلگنینی تصدیقله‌دی.
اوشبو کمیته، ۴- جدی، پنجشنبه کونی، تاجیک چېگره قۉریقچیلری بیلن افغانستان حدودیدن هجوم قیلگنلر اۉرته‌سیده تۉقنه‌شوو نتیجه‌سیده اوچ نفر هجومچی اۉلدیریلگنینی معلوم قیلدی.
۸صبح گزېته‌سی اۉتگن کون منبعلرگه ته‌یه‌نیب، تاجیکستان چېگره قۉریقچیلری افغانستان حدودیدن نشانگه آلینگن دیب، خبر قیلگندی.
هجوم بدخشان ولایتی شهربزرگ تومنیدن و تخار ولایتی چاه‌آب تومنی حدودیدن عملگه آشیریلگن.
منبعلرگه کۉره، اۉلدیریلگن هجومچیلر نینگ جسدلری تاجیکستان کوچلری نظارتیده سقلنگن.
تاجیکستان ملی خوفسیزلیک کمیته‌سی معلوم قیلیشیچه، هلاک بۉلگن شخصلر ترور تشکیلاتیگه اعضا بۉلگن، اما اولر نینگ شخصیتی آشکار اېتیلمگن. شونینگدېک، اولر نینگ نظارتیده قورال-اسلحه تاپیلگن.
کمیته تأکیدلگنیچه، طالبان رهبریتی تاجیکستان خلقیدن عذر سۉره‌شی و ترور هجوملری نینگ آلدینی آلیش اوچون ثمره‌لی چاره‌لر کۉریشی لازم دیر.
مذکور هجوم بیر نېچه کون آلدین افغانستان حدودیدن صادر اېتیلگن هجوملرده بېش نفر چین فقراسی تاجیکستان چېگره‌سیده هلاک بۉلگنیدن کېین یوز بېردی.
طالبان اوشبو هجومنی تصدیقلگن و بو باره‌ده تېرگاو باشلنگنینی بیلدیرگن اېدی.
