طالبان: هرات ده قزاقستان سودا اوی آچیلدی
۸صبح، هرات: طالبان محلی رسمی‌لری کابل ده قزاقستان ایلچیسی علیم‌خان یسین گیلدییف نینگ هرات ولایتی گه سفر قیلیب و والی همده اوشبو گروه نینگ بیرقطار عملدارلری بیلن اوچره‌شگنیدن خبر بیرگنلر.
هرات ده طالبان حاکمی نینگ دفتری ۲۷ حمل، دوشنبه کونی بیر بیانیه ترقه‌تیب ایتیشیچه، ایکّی تامان بو ایکّی مملکت نینگ سوداگرلیک مناسبت‌لری مستحکم‌لنیشی و بوتوغریده اېریم قولی‌لیکلر یره‌تیلیشینی محاکمه قیلگنلر.
بیانیه ده کېلیشیچه، کابل ده قزاقستان ایلچیسی و طالبان محلی رسمی‌لری سوداگرلر آره‌سیده آلیش-بیریش مقداری آشیریلیشی، باجخانه تعرفه‌سی کمه‌یتیریلیشی، سوداگرلر قیینچیلیگی حل اېتیلیشی و اولر گه ویزه صادر اېتیلیشینی بحث گه آلگنلر.
بیانیه اساسیده، «هرات ده قزاقستان سودا اوی» طالبان و آستانه آره‌سیده سوداگرلیک آلیش-بیریش مقداری آشیریلیشی مقصدیده مذکور ولایتده آچیلگن.
طالبان گه کوره، یقینده آستانه میزبان‌لیگی بیلن افغانستان، تورکمنستان و قزاقستان آره‌سیده اوچ تامانلمه کنفرانس اۉتکزیله‌دی.
قزاقستان طالبان رژیمینی تن آلگن بولمسه ده، بیراق بو گروه بیلن یقیندن همکارلیک قیلماقده.
نیچه کون آلدین اوشبو مملکت طالبان نی ترورچی گروه‌لر رویخطیدن حذف قیلدی.
