طالبان پاکستان‌گه: هر بیر موضوعنی بو مملکت‌گه باغلش حل یۉل اېمس
۸صبح، کابل: طالبان سۉزلاوچیسی ذبیح الله مجاهد خییبرپختون‌خوان ایالتیده عملگه آشیریلگن حمله «افغانستان‌گه تېگیشلی اېمس و بو مملکت» آرقلی عملگه آشیریلگن اېمس دېب ایتگن.
مجاهد ۲۲ – قوس چهارشنبه کونی طالبان کنترولی آستیده‌گی ملی تلویزیون آرقلی نشر بۉلگن آوازلی پیامده ایتیشیچه، تیناوون خیبرپختون‌خواه ایالتیده عملگه آشیریلگن محل، افغانستان‌دن یوزلب کیلومتر اوزاقده جایلشگن.
طالبان سوزلاۉچیسی پاکستان تامانیدن بو حقده معلومات اۉرته‌گه قۉییلگن حالده، اولر اوشبو حادثه‌نی تېکشیریشلری ممکن دېب ایتگن.
عین حالده، اونینگ تاکیدلب ایتیشیچه، پاکستانلیک عسکرلر اۉزی نینگ قلمرویده بونده‌ی حادثه یوز بېریشی نینگ آلدینی آلیشی کېره‌ک دیر.
بو اظهاراتلر پاکستان‌ده خوفسیزلیک کوچلری نینگ مرکزی موترگه جایلشتیریلگن بابمه آرقلی هجوم آستی آلیندی و بونینگ نتیجه‌سیده کمیده پاکستان نینگ ۲۳ حربیسی اۉلدیریلگن بیر چاغده تیلگه آلینماقده.
پاکستان اسلام جهادی حرکت گروهی مذکور حادثه مسوولیتینی اۉز ذمه‌سیگه آلدی.
اوشبو هجومدن کېین، پاکستان تشقی ایشلر وزیرلیگی طالبان اېلچیلیگی نینگ اسلام آبادده‌گی کاردارینی احضار قیلیب اوندن بو گروه سۉنگی هجوملرنی یوقاری سطح‌ده «آچیق» قاره‌له‌شینی سۉره‌دی.
عین حالده، ذبیح‌الله مجاهد حادثه یوز بېرگنی اوچون فقطگینه «تاسف» بیلدیریب بونی قاره‌لشگه اشاره قیلمه‌گن.
