طالبان نینگ آگاه‌‌لنتیریش‌لری؛ بو گروه مخالف‌لریدن میزبان‌لیک و حمایت قیله‌دیگن مملکت‌لر نشانگه آلینه‌دی
افغانستان ده طالبان قدرت نی آلگچ منطقه و دنیا ده ترورچیلیک تهدیدلر کوچه‌یشی گه دایر خواطرلر آشگن. بیراق طالبان بو خواطرلرنی اساس‌سیز دیب و افغانستان تۉپراغیدن باشقه مملکت‌لر گه قرشی فایده‌لنیلمسلیگیدن ایشانچ بیرگنلر. بو وعده‌لر گه قرشی طالبان نینگ یوقاری مرتبه‌لی بیر عملداری اوشبو گروه نینگ مخالف‌لریدن میزبان‌لیک قیله‌دیگن و حمایت قیله‌دیگن مملکت‌لر نی آگاه‌لنتیرگن. اۉنگه کوره، طالبان مذکور مملکت‌لر و مخالف‌لری بیلن هر جای ده بولسه هم حساب-کتاب قیله‌دی. بوندن آلدین ۸صبح کونده‌لیگی اختیاری گه قرار تاپگن حجت اساسیده، طالبان رهبری ملا هبت‌الله، اوشبو گروه اعضالری گه افغانستاندن تشقری اۉروش نی آلغه آلیب باریش اوچون تیارگرلیک کوریش بویروغینی بیرگن اېدی. شو بیلن بیرگه، مذکور گروه مخالف‌لری نینگ ایتیشلریچه، طالبان افغانستان نی «ترورچیلر اویه‌سی» گه اېلنتیرگن و تروریزم دن باشقه مملکت‌لر گه قرشی اۉسکونه اوله‌راق قوللنه‌دی. ینگی‌لیکده طالبان نینگ منطقه‌ده‌گی حامی‌لریدن روسیه، افغانستانده ۲۳ مینگ جنگری و ۲۰ ترورچی گروه حضوری دن خواطر بیلدیریب و غرب نینگ بو مملکت ده قالگن قۉراللری «ساعتی بم» اېکنینی ایتگن.
طالبان سونگی ایکّی یریم ییل اېچیده خلق‌ارا تېزیم ده‌گی عنعنوی ادبیات‌لردن فرقلی منطقه و قوشنی مملکت‌لرنی تهدید قیلگنلر. بو گروه ترورچی گروه‌لر و قوشنی مملکت‌لر نینگ قوراللی مخالف‌لریدن حمایت قیلیشنی رد قیلیش بیلن، اوشبو گروه‌لر دن کېنگ کولمده میزبان‌لیک قیلماقده، عین‌حالده بو گروه مخالف‌لری طالبان جهان دن باج آلیش اوچون تروریزم دن قوللنیشنی ادعا قیله‌دیلر.
ینگی‌لیکده، طالبان حاکمیتیده قاچقینچیلر وزیری خلیل‌الرحمان حقانی، بو گروه نینگ مخالف‌لریدن میزبان‌لیک قیله‌دیگن و حمایت قیله‌دیگن مملکت‌لر گه، طالبان اولر نینگ «دشمن‌لیگینی» اۉنیتمسلیگیدن آگاه‌لنتیرگن. حقانی ترماغی نینگ اوشبو یوقاری مرتبه‌لی عملداری مذکور گروه مخالف‌لریدن مالی، حربی، سیاسی و دیپلماتیک هر قنده‌ی حمایت جوابسیز قالمسلیکّه تهدید قیلگن. او کابل ده افغانستاندن سابق ساویت اتفاقی نینگ چیقیشی ۳۵ ییل‌لیگی مناسبتی بیلن اۉتکزیلگن ییغیلیش ده، بو گروه مخالف‌لری هر جای ده بولسه هم نشانگه آلینیش‌‌لرینی معلوم قیلگن. طالبان نینگ مذکور اعضاسی نینگ کوپه‌یتیریشیچه: «مخالف‌لریمیزنی رسانه‌ای، حربی، سیاسی و مالی حمایت قیله‌دیگنلر بیلن حساب و کتاب قیله‌میز.» او هیچ بیر مملکت دن آت توتمه‌گن بولسه ده، بیراق سونگی کون‌لرده تاجیکستان هرات خۉفسیزلیک مذاکره‌لر میزبانی بولیب و طالبان مخالف‌لریدن قطاری بو ییغیلیش ده اشتراک ایتگن اېدیلر.
طالبان تشقی ایشلر وزیرلیگی نینگ سیاسی معینی عباس استانکزی پاکستان گه، افغانستان اوزینی اۉزی تامینله‌گن حالده، سونگی قیرق ییل اېچیده بو مملکت تامانیدن افغانستان گه آتیلگن هر بیر اوق، توپ و اوچاق حسابینی بیریشدن آگاه‌لنتیرگن.
بوندن اول طالبان ایچکی ایشلر وزیری سراج‌الدین حقانی سابق سوزلاوچیسی سعید خوستی، بو گروه نینگ خارج ده‌گی مخالف‌لرینی اولیمگه تهید قیلگندی. عین‌حالده، ینگی‌لیکده طالبان گه ضد سیاسی فعاللردن بیری عیسا محمدی، سراج‌الدین حقانی اونی ایران دن اختطاف قیلیب و افغانستان گه انتقال بیریش گه قصد قیلگنینی ادعا قیلگن.
ملا هبت‌الله اوشبو گروه نینگ جنگری‌لری گه مملکت دن تشقری اۉروش گه تیارگرلیک کوریش بویروغینی بیرگن بیرحالده، طالبان اۉز مخالف‌لری نینگ حمایت قیله‌دیگن و اولردن میزبان‌لیک قیله‌دیگن مملکت‌لرنی تهدید قیلماقده. او مذکور گروه اعضالری گه افغانستاندن تشقری اۉروش گه تیارگرلیک کوریش بویروغینی بیرگن. ۸صبح کونده‌لیگی نینگ معلوماتی اساسیده طالبان ییتکچیسی بو گروه نینگ کنترولیده‌گی نهادلر نینگ بشری منبع‌لر باشلیغ‌لری بیلن اۉتکزگن ییغیلیش ده، قوللری آستیده‌گی‌لرنی افغانستاندن تشقری اۉروشنی کینگه‌یتیریش گه ترغیب قیله‌دی. اونگه کوره، بیر کون طالبان جنگری‌لرینی دنیا نینگ باشقه منطقه‌لریده‌گی اۉروش گه یوباره‌دی.
عین‌حالده، طالبان نینگ مخالف سیاسی جریان‌لری نینگ ادعا قیلیشیچه، بو گروه افغانستان نی ترورچیلر نینگ تینچ اویه‌سیگه ایلنتیریب و تروریزم دن باشقه مملکت‌لر گه قرشی اوسکونه اوله‌راق قوللنه‌دی.
افغانستان نی قوتقریش اوچون ملی مقاومت کینگشی سوزلاوچیسی حسین یاسا، ۸صبح کونده‌لیگی بیلن اۉتکزگن صحبتیده ایتیشیچه، طالبان نینگ سیاستی هردایم کوچ و حذف قیلیش دیر. اونینگ کوپه‌یتیریشیچه: «طالبان هردایم دنیا بیزنی تن آلمسه بیز هم دنیا نی تن آلمه‌یمیز دیدی.» افغانستان نی قوتقریش اوچون ملی مقاومت کینگشی سوزلاوچیسی، طالبان دن دنیا بیلن همکارلیک قیلیشنی کوتمسلیک کېره‌ک دیدی. اونگه کوره: «بو ینگی سوز [طالبان نینگ آگاه‌لنتیریشی] دنیا یا منطقه اولر نینگ اېسته‌گی اساسیده حرکت قیلمسه، [بو گروه] اوشبو مملکت‌لر گه نهایت تروریزم یوباریشنی افاده قیله‌دی و حاضر افغانستان ترورچیلر نینگ تینچ اویه‌سیگه ایلنگنینی بوتون جهان تن آلگن.»
طالبان نینگ هشدارلری دنیا و بو گروه مخالف‌لری نینگ عین‌حالده خواطری گه اۉزگرماقده که ینگی‌لیکده روسیه ملی خوفسیزلیک کینگش باشلیغی افغانستانده قریب ۲۰ ترورچی گروه فعالیت قیلماقده‌لیگینی بیلدیرگن. روسیه ملی خوفسیزلیک کینگش کاتبی نیکولای پاتروشف، قیرغزستان ده ملی خوفسیزلیک مصلحتچیلری نینگ ییللیک ییغیلیشیده، افغانستانده فعال ترورچی گروه‌لر نینگ ۲۳ مینگ دن آرتیق جنگری‌سی بارلیگینی ایتگن.
روسیه خوفسیزلیک یوقاری مرتبه‌لی اوشبو رسمی‌سی نینگ بیاناتیدن آلدین، بیرلشگن ملتلر تشکیلاتی خوفسیزلیک کینگشی ترقه‌تگن گزارشی ده، طالبان القاعده ترماغی بیلن علاقه‌سینی سقلب و حاضرگی کونده القاعده ترماغی غزنی، لغمان، پروان و ارزگان لایت‌لریده سکیز تعلیمی مرکز قوریب و پنجشیر ده هم بیر قورال انباری بارلیگینی ادعا قیلگن.
بیرلشگن ملتلر تشکیلاتی خوفسیزلیک کینگشی نینگ گزارشیده کیلیشیچه، طالبان القاعده ترماغی بیلن علاقه‌سی بارلیگیگه قوشیمچه، شرقی تورکستان اسلامی حرکتی، پاکستان‌لیک طالبلر تحریکی، منطقه و دنیا بویلب ترورچی گروه‌لر بیلن علاقه‌سی بار و افغانستانده اوشبو گروه‌لردن بیرقطاری گه جای بیرگن.
طالبان نینگ کېتمه-کیت آگاه‌لنتیریشی و طالبان حاکمیتیده ترورچی گروه‌لر کوچه‌یشیدن عین‌حالده خواطر بیلدیریلماقده که امریکا نماینده‌لر کینگشی نینگ خارجی مناسبت‌لر کمیته‌سی ېنه بیر مرته افغانستان صلح ایشلری بوییچه امریکا نینگ سابق مخصوص وکیلی زلمی خلیل‌زاد نی «فاجعه‌لی چیقیش» خصوصیده جواب‌گرلیکّه طلب قیلگن.
امریکا نماینده‌لر کینگش اعضاسی مایکل والتز، دوحه کیلیشووی که افغانستاندن اوشبو مملکت نینگ فاجعه‌لی چیقیشی گه سبب بولدی، ایتیشیچه: «باشقه بیر ترورچی گروه‌نی یوق اېتیش اوچون ترورچی بیر گروه گه سویه‌نیش، خوفلی و کتّه خطا دیر.»
بو آگاه‌لنتیریش‌لر عین‌حالده بولماقده که طالبان دوحه کیلیشووی اساسیده افغانستان توپراغیدن باشقه مملکت‌لر گه قرشی هجوم بولمسلیگیدن ایشانچ بیرگن. بو گروه منطقه و دنیا مملکت‌لرینی عین‌حالده آگاه‌لنتیرماقده که یوقاری مرتبه‌لی بیر عملداری ېنه بیر کونگچه بیرلشگن ملتلر تشکیلاتی میزبان‌لیگی بیلن دوحه ییغیلیشیده اشتراک اېتیشی کوتیله‌دی.
