طالبان حکمرانلیگی آستیده فعال بۉلگن ترورچیلیک منطقه اوچون جدّی تهدید دیر
۸صبح، کابل: بیرلشگن ملتلر تشکیلاتیده چین وکیلی فو کانگ طالبان نظارتی آستیده فعال بۉلگن تروریزم قۉشنی دولتلر و منطقه اوچون جدّی تهدید اېکنیدن آگاهلنتیردی.
فو کانگ دوشنبه کونی، ۱۸-حوت، نطقیده طالبان عملدارلرینی کېسکین تنقید قیلیب، تحریک طالبان پاکستان، ETIM و داعش افغانستانده فعال اېکنینی تیلگه آلدی.
فو کانگ شونینگدېک، چین وطنداشلری افغانستاندهگی هجوملرده نشانگه آلینگنینی و نتیجه‌ده بیر نېچه کیشی هلاک بۉلیب، ینه بیر قنچه کیشی یره‌لنگنینی تاکیدله‌دی.
اونینگ قۉشیمچه قیلیشیچه چین افغانستاندن کېلیب چیقه‌دیگن هر قنده‌ی تروریزمنی کېسکین قاره‌له‌یدی و طالباندن ترورچی گروهلردن کېله‌یاتگن جدی تهدیدلرنی تن آلیشنی سۉره‌دی.
بیر نېچه آی آلدین، افغانستاندن تاجیکستان چیگره‌لریگه اویوشتیریلگن ایکّی هجومده چین‌نینگ بېش نفردن آرتیق وطنداشی جان بېریبینه بیر نېچه کیشی یره‌لنگن اېدی.
بیراق طالبان افغانستانده ترورچی گروهلر موجودلیگینی رد اېتماقده.
