بدخشان-تخار قتناو یولی تاغ سیلجیشی عاقبتیده ترافیک یوزی گه یاپیلدی
بدخشان ولایتیده‌گی محلی منبعلر، اوشبو ولایت نینگ قمره‌کمر منطقه‌سیده تاغ سیلجیشی عاقبتیده فیض‌آباد-تخار قتناو یولی ترافیک یوزی گه یاپیلگنینی معلوم قیله‌دیلر.
منبعلر ۱۷ حوت، پنج‌شنبه کونی ۸صبح کونده‌لیگی‌گه ایتیشلریچه، بو قتناو یول بدخشان ولایتی کشم تومنی نینگ ایکّی کیلومترلیگی ده یاپیلگن.
منبعلر گه کوره، حاضر قتناو یول نینگ ایکّی تامانیده اونلب یولاوچی تاشووچی و یوک تاشووچی موتر بند قالگن.
عین‌حالده، بدخشانده طالبان فواید عامه ریاستی، اولر نینگ ایش تیم‌لری اوشبو یولنی آچیش اوچون محل گه یوللنگنینی اېته‌دی.
بو ریاست فیض‌آبا-تخار قتناو یولی یولاوچیلریدن کیېنگی امرگچه اوشبو یول آرقه‌لی قتنه‌مسلیک‌لرینی سۉره‌گن.
افغانستان نینگ شمال‌شرقی ولایت‌لریدن بولگن بدخشان نینگ قریب ۳۰ تومنی بار و اکثر تومن‌لری نینگ یوللری ستندرد اېمس.
