منطقه‌ده‌گی اۉزگریشلر؛ عمان تشقی ایشلر وزیری ایرانگه باره‌دی
ایران منبعلری عمان تشقی ایشلر وزیری بدر البوسعیدی، اوشبو مملکت رسمیلری بیلن مصلحتلشوولر اۉتکزیش اوچون اېرته‌گه تهرانگه باریشینی خبر قیلگن.
تسنیم، دوشنبه کونی، ۲۴-اگوست‌ده، بو حقده ایران تشقی ایشلر وزیرلیگی سۉزلاوچیسی اسماعیل بقایی معلوم قیلگنینی خبر بېردی.
خبرگه کۉره، عمان تشقی ایشلر وزیری اوشبو سفر دوامیده اۉزی‌نینگ ایرانلیک هم‌کسبی عباس عراقچی و ایران‌نینگ باشقه رسمیلری بیلن هم اوچره‌شه‌دی.
ایران تشقی ایشلر وزیرلیگی سۉزلاوچیسی اوشبو سفر ایران و عمان اۉرته‌سیده‌گی ایکّی تامانلمه همکارلیکنی مستحکملش، شونینگدېک، هرمز بۉغازی‌نینگ ساحل‌بۉیی ایکّی دولتی صفتیده تامانلر اۉرته‌سیده‌گی دایمی سیاسی مصلحتلشوولرنی دوام اېتتیریش همده منطقه‌ده تینچلیک و خوفسیزلیکنی مستحکملشگه یاردم‌لشیش مقصدیده عملگه آشیریله‌یاتگنینی اَیتگن.
بو آره‌ده یقینده پاکستان اوردوسی باشلیغی عاصم منیر هم تهرانگه تشریف بویورگن.
شو بیلن بیرگه، عمان و ایران سۉنگگی هفته‌لرده هرمز بۉغازینی باشقریش بۉییچه کېلیشووگه اېریشیش مساله‌سیده مذاکره‌لر آلیب بارماقده.
