طالبان اۉروشی نینگ دایمی عاقبتلری؛ بدخشان‌ده بوزیلگن مکتب‌لر نینگ بنالری قیته قوریلیشی کېره‌ک
طالبان سۉنگی ایکّی سنه‌ده خودکش و پارتلش هجوم‌لری بیلن دولت تاسیسات‌لری گه کتّه زیان ییتکیزگن. مملکت نینگ تورلی منطقه‌لریده تعلیمی تاسیسات و باله‌لر نینگ تعلیم دن محروم اېتیلیشی، اۉتگن ییگیرمه ییل ایچیده طالبان نینگ اۉروش عاقبت‌لریدن بیری دییلگن. باشقه تاماندن، سابق حکومت طالبان نینگ تهدیدلری و هجوم‌لری طفیلی مملکت نینگ اوزاق منطقه‌لریده مکتب قوره آلمسلیگینی ادعا قیلر اېدی. شو بیلن بیرگه بدخشان یشاوچیلری مذکور ولایتده‌گی ۵۰ فایز مکتب‌لر نینگ بناسی یوق‌لیگینی ادعا قیله‌دیلر. اولر طالبان نی باله‌لری نینگ تعلیمدن محروم قالیش یگانه عاملی دیب اوشبو گروه نینگ اۉروشیدن قورقیب باله‌لری مکتب باره آلمه‌گنلر.
مملکت شمال‌شرقی‌ده جایلشگن بدخشان ولایتی، طالبان سۉنگی ییللرده سابق خوفسیزلیک کوچلر بیلن کوپ توقنشگن ولایت‌لردن سنله‌دی. مذکور ولایت یشاوچیلری نینگ ایتیشلریچه، خوفسیزلیک تهدیدلر و طالبان نینگ دایمی اۉروشی طفیلی باله‌لری مکتب باره آلمه‌ی و شونینگدیک بو ولایتده‌گی بیر قنچه مکتب‌لر نینگ بناسی یوق دیر.
بدخشان یشاوچیلریدن بیرقطاری طالبان رژیمینی سۉنگی ایکّی ییل ایچیده بو ولایتده‌گی مکتب‌لر نینگ قیینچیلیگینی حل قیلیش اوچون بی فرق‌لیکّه عیبله‌یدیلر. اولر گه کوره، طالبان مکتب قوریش و بو ولایتده تعلیمی قولی‌لیک یره‌تیش اوچون هېچ ایش قیلمه‌گن.
۸صبح کونده‌لیگی بیلن صحبت اۉتکزگن بدخشان ولایتی یشاوچیلریدن بیرقطاری، مکتب‌لر نینگ بناسی قوریلیشی، تعلیمی امکانیت یره‌تیش اوچون بودجه اجره‌تیب و آلتینچی صنف‌دن یوقاری قیز اوقووچیلر گه مکتب‌لر ایشیگی آچیلیشینی اېسته‌یدیلر.
بدخشان یشاوچیلری نینگ ایتیشلریچه، ملَکه‌لی اوقووچیلر و اوقوو امکانیت‌لری آزلیگی نی مذکور ولایتده‌گی اوقووچیلر نینگ اساسی قیینچیلیک‌لریدن دیب اولرنی تعلیم آلالمسلیک و حتا محروم قیلگن.
بدخشان ولایتی شغنان تومنی اصلی یشاوچیسی مهدی قادری، طالبان تامانیدن قیزلر گه عاید مکتب‌لر بوزیلیشی باعث، قیزلری نینگ اوقیتیش اوچون بو شهر دن کوچیش گه مجبور بولگنینی معلوم قیله‌دی.
قادری جنابلری نینگ کوپه‌یتیریشیچه، حاضر شهرده هم قیزلری مکتب باره آلمه‌یدی. اونینگ کوپه‌یتیریشیچه: «بیر قیزیم بیلیم یورت‌ده درس اوقیدی و باشقه بیر قیزیم ۱۱ صنف اوقووچیسی دیر که مکتب ایشیگی یاپیلگن، حاضر آنلاین کورس‌لرده درس اوقیماقده‌لر.»
قیزلری نینگ اوقیتیش اوچون اصلی یورتینی ترک قیلیش گه مجبور بولگن بو کیشی، طالبان تامانیدن قیزلر مکتبی یاپیلیشینی انسانی و فرهنگی حقوق گه قرشی عنوان قیله‌دی. مکتب‌لر و بیلیم یورت‌لر ایشیگی قیزلر یوزی گه آچیلیب و بدخشان ده‌گی بوزیلگن مکتب‌لر نینگ بنالری قیته قوریلیش گه امید بیلدیره‌دی، مهدی قادری.
شو بیلن بیرگه، بدخشان معارف ریاستیده طالبان محلی مسووللری نینگ ایتیشلریچه، اوشبو ولایت بویلب ۶۴۶ مکتب‌‌دن بیر قنچه‌سی صنف آزلیگی و بناسیز قیینچیلیگی بیلن دوچ دیر. اولر گه کوره، مذکور ولایتده اوقووچیلر آچیق فضاده درس اوقیماقده‌لر.
شونینگدیک بدخشان معارف ریاستیده‌گی منبعلر نینگ ایتیشلریچه، سۉنگی ییللرده سابق حکومت بیلن طالبان نینگ اۉروشی باعث بو ولایت نینگ یفتل پایان، جرم، وردوج، تشکان، راغستان، شهدا و بهارک تومن‌لریده قیز و اوغیل باله‌لر نینگ مکتب‌لری بوزیلگن که قیته قوریلیش و تعمیرلنیش گه نیاز دیر.
اوشبو منبعلر نینگ کوپه‌یتیریشیچه، فیض‌آباد شهری ده بیر قنچه مکتب‌لر همده شغنان، اشکاشم، زیباک و ارغنج تومن‌لریده آز سانده مکتب‌لر نینگ بناسی بار، بیراق بدخشان ده‌گی ۵۰ فایز مکتب‌لر نینگ بناسی یوق.
بو منبع گه کوره، شغنان و فیض‌آباد تومن‌لریده ۲۲۸ مینگ اوغیل اوقووچی و ۱۸۵ مینگ قیز اوقووچی سواد حیاتی ایکّی مکتب شامل لیسه، اۉرته و ابتدائیه ایکّی یوز ۴۶ مکتب ده درس اوقیماقده‌لر، اولر ارا ۱۸۵ مینگ قیز دن ۸۵ فایزی آلتینچی صنف‌دن یوقاری دیر و طالبان تامانیدن یره‌تیلگن چېکلاولر طفیلی مکتب باره آلمه‌یدیلر.
منبعلر نینگ معلوماتی اساسیده، بدخشان معارف توزیلمه‌سیده ۱۱ مینگ ۱۵۰ اوقووچی موجود اولر ارا اوچ مینگ ۸۹۸ مینگ ته‌سی عیاللر دیر.
بدخشان معارفی‌ده‌گی منبعلر نینگ ایتیشلریچه، اوشبو ولایت نینگ بیرقطار تومن‌لریده مکتب‌لر نینگ بناسینی تعمیرلش و قیته قوریش اوچون قریب ۱۳ میلیون افغانی نیاز دیر.
بدخشان یشاوچیلری عین‌حالده مکتب‌لر قیته قوریلیشینی سۉره‌ماقده که میلیون‌لرچه قیز اوقووچی طالبان نینگ چېکلاو‌لری طفیلی تعلیم و تحصیل دن محروم دیر. بو گروه ایچکی و خلق‌ارا باسیم‌لر بیلن قیز اوقووچیلر یوزی گه تعلیمی عالی درگاه‌لر ایشیگینی آچمه‌‌گن و بونگه قوشیمچه خاتین قیزلر گه قرشی اونلب بویروغ صادر قیلگن.
