ملی قرشیلیک جبهه‌سی بغلان ولایتیده ایکّی قوماندانی‌نینگ اۉلدیریلگنینی تصدیقله‌دی
۸صبح، بغلان: ملی قرشیلیک جبهه‌سی طالبان گروهی تامانیدن بغلان ولایتیده اۉزی‌نینگ ایکّی قوماندانی اۉلدیریلگنینی تصدیقله‌دی.
اوشبو جبهه یک‌شنبه کونی، ۸-سنبله کونی، ایکس صحیفه‌سیده بیانات اعلان قیلیب، بو ایکّی قوماندان طالبان گروهی تامانیدن اویوشتیریلگن «پیستیرمه»ده اۉلدیریلگنینی معلوم قیلگن.
بیاناتگه کۉره، قرشیلیک جبهه‌سی بو ایکّی قومانداننی قوماندان شمس‌الدین و قومندان بابه دېب آت توتگن.
قرشیلیک جبهه‌سی‌نینگ اَیتیشیچه، بو قوماندانلر سۉنگگی بېش ییل دوامیده اېنگ آغیر شرایطلرده طالبانگه قرشی قرشیلیک صفیده بۉلگن.
بو حالت طالبان گروهی اوّلراق بغلان ولایتی‌نینگ نهرین تومنیده‌گی چهارسای حدودیده قرشیلیک جبهه‌سی‌نینگ تۉرت اعضاسی اۉلدیریلگنی حقیده خبر بېرگن بیر پیتده یوز بېرماقده.
