ناروی قاچقینلر کېنگشی تۉرت ولایتیده زلزله‌دن زیان کۉرگنلرگه ۴۰۰دالر یاردم کۉرستدی
۸صبح، کابل: طالبان مهاجرلر ایشلری بۉییچه وزیرلیک بیر اعلامیه نشر قیلیب ایتیشیچه، ناروی قاچقینلر کېنگشی بادغیس، فاریاب، خوست و ارزگان ولایتلریده یېر قیمیرله‌شی نتیجه‌سیده زیان کۉرگن ۳۶۰عایله‌گه ۴۳۶ یوزمینگ و ۱۶۲مینگ امریکالیک دالر نقدی کمک قیلگن.
اوشبو وزیرلیک ۷-عقرب یک‌شنبه کونی ایکس اجتماعی صحیفه‌گه یازیشیچه، اوشبو مقدارده‌گی پول یېر قیمیرلش عاقبتیده زیان کۉرگن اویلر قیته تیکله‌نیشی مقصدیده یاردم بېریلگن.
طالبلر مهاجرلر ایشلری بۉییچه وزیرلیک، بو بودجه نینگ بیر قسمی هرات ولایتیده یېر قیمیرله‌یشی نتیجه‌سیده زیان کۉرگن ۶۲۰عایله‌گه شایلینچ چادرلر تیارله‌نیب تیکله‌نیشی اوچون خرج قیلنه‌دی دېب تاکیدله‌گن.
ایتیش کېره‌ک که اوچ هفته‌دن بېری کوچلی یېر قیمیرلش و اونینگ سېکین پس‌لرزه‌لری افغانستان غربی ولایتلرینی تیتره‌تدی.
طالبلرنینگ بېرگن حساباتیده، هرات نینگ زنده‌جان، انجیل، گلران و کشک رباط سنگی اولسواللیکلریده اېللیکدن آرتیق قیشلاق ویران بۉلگنی بیلدیریلگن.
شونینگدېک مذکور طبیعی حادثه‌لرده کمیده ایکّی مینگ ۵۰۰ انسان جان بېرگن و اۉن مینگدن آرتیق آدم یره‌لندی.
عین حالده، اۉتگن ییل پکتیکا، خوست و مملکت نینگ باشقه بیر قطار ولایتلری هم ویرانگر یېر قیمیرلش نینگ گواهی بۉلگن اېدی.
اوشبو یېر قیمیرلشلر جانی تلفات یانیده بو ولایتلرنینگ یشاوچیلریگه یېریک مالی زیان هم یېتکزدی.
