ناروی۳۴۰ میلیون یورو بیلن اوکراین انرژی ساحه‌سینی مستحکم‌‌لش‌گه اجره‌ته‌دی
ناروی اعلان قیلگنیچه، اوکراین انرژی ساحه‌سینی قۉللب-قوتلش و اوشبو مملکت نینگ مهم خدمتلرینی سقلب قالیش اوچون ۳۴۰ میلیون یورو مقداریده فوق العاده یاردم اجره‌تیله‌دی.
رویترز، ۱۲- جنوری، دوشنبه کونی، خبر بېریشیچه، اوشبو یاردم ناروی نینگ ۲۰۲۶- ییل‌ده اوکراین‌گه کېنگ قمراولی یاردم پاکتی نینگ بیر قسمی حسابلنه‌دی.
گزارش‌گه کۉره، روسیه هجوملری بیر نېچه آیدن بېری اوکراین انرژی ترماغاینی نشانگه آلگن و سۉنگگی هفته‌لرده ساووق آب-هوا طفیلی هجوملر کوچه‌یگن.
ناروی رسمیلری بو هجوملر میلیونلب اوکراین‌لیکلر اوچون انرژی و اساسی خدمتلرگه کیریشنی خوف آستیگه قۉییشینی بیلدیرگن.
اۉتگن ییل ناروی پارلمانی اوکراین‌گه ۸۵ میلیارد کرون یاردم اجره‌تگن، اونینگ کته قسمی حربی قۉللب-قوتلشگه، ۱۵ میلیارد کرونی اېسه تینچلیکپرور و انسان‌سیورلیک یاردم‌گه مۉلجللنگن اېدی.
اروپا اتفاقی یقینده روسیه هجوملریگه قرشی اوکراین‌نی قۉللب-قوتلش اوچون ۹۰ میلیارد یورولیک وام اجره‌تیلیشینی اعلان قیلگن.
