غور ده تاش قولشی عاقبتیده بیر عایله نینگ ییتّی اعضاسی هلاک بولدی
۸صبح، غور: غور ده طالبان محلی رسمی‌لری نینگ ایتیشلریچه، اوشبو ولایتده تاش قولشی عاقبتیده بیر عایله نینگ ییتّی اعضاسی هلاک بولگنلر.
بو واقعه ۱۵ حمل، چهارشنبه کیچه ساعت ۲:۰۰ اطرافیده چهارسده تومنی «خرنج وکیل نیاز» منطقه‌سیده یوز بیرگن.
طالبان آره‌سیده‌گی منبع نینگ ۸صبح کونده‌لیگی گه ایتیشیچه، واقعه طفیلی قربان بولگنلر آره‌سیده عیاللر وباله‌لر هم شامل دیر.
چهارسده تومنی غور ولایتی نینگ تاغلی تومنلریدن بولیب و یشاوچیلری انده-سنده بو کبی طبیعی واقعه گواهی بوله‌دیلر.
اۉتگن ییل ۲۹ میزان ده غور ولایتی دولت‌یار تومنی «لکه مزار» منطقه‌سیده تاغ سیلجیشی عاقبتیده تورت کیشی قربان بولگن اېدیلر.
