کراچی بندریده افغانستانلیک سوداگرلرگه تېگیشلی اوچ مینگ کانتینرنی آلیب کېلیش باشلندی
۸صبح، کابل: طالبان صنعت و تجارت وزیرلیگی پاکستان کراچی بندریده‌گی افغانستان سوداگرلری نینگ تۉخته‌تیب قۉییلگن اوچ مینگ وارداتی یوک کانتینرلرنی اۉتکزیش جریانی باشلنگنینی اعلان قیلدی.
اوشبو وزیرلیک ۷قوس سه‌شنبه کونی، ایکس اجتماعی ترماغیده افغانستانلیک سوداگرلرنینگ تاورلر یوکلنگن موترلری اکتوبر آییدن بیری پاکستان ترانزیتی آرقلی ینگی طرزالعمللر جاری اېتیلگن بویان کراچی بندریده تۉخته‌تیب قۉییلگن اېدی دېب یازگن.
شونینگدېک مذکور وزیرلیک نینگ کۉپه‌یتیشریچه، طالبان صنعت و تجارت وزیرلیگی سرپرستی نورالدین عزیزنینگ پاکستان تجارت همده تشقی ایشلر وزیرلری بیلن بۉلگن اوچره‌شووده بو حقده کېلیشیلگن اېدی.
بوندن آلدین، طالبلر افغانستانلیک سوداگرلرگه عاید اوچ مینگ کانتینر پاکستانینگ کراچی بندریده توخته‌تیلگنی و او مملکت عوارض مالیه‌سی توله‌نیلیشینی سۉره‌گن اېدی دېگن اېدی.
شونینگدېک بو گروه پاکستان حکومتی نینگ بو خصوصیده‌گی قراری نتیجه‌سیده تاجرلر میلیونلب دالر ضرر کۉرگنینی تاکیله‌گن اېدی.
افغانستان و پاکستان تجارت و ترانزیت شرطنامه‌سینی ۲۰۱۰- ییل، مملکت سابق جمهور رییسی حامد کرزی زمانیده امضالهگن اېدی و افغانستان نینگ پاکستان بیلن تجارت و ترانزیت لایحه‌سی سۉنگی ییللرده اوشبو کېلیشوو اساسیده عملگه آشیریلیب کېلگن.
عین حالده، طالبان و اسلام آباد اۉرته‌سیده‌گی ترنگلیکلردن کېین، بو جریان تۉخته تیلگن اېدی.
