پاکستان حکومتی کراچی بندریده قالیب کېتگن کانتینرلر نینگ افغانستانگه اۉتیشی‌گه رخصت بېردی
دان گزېته‌سی، ۲۴ جدی، چهارشنبه کونی، پاکستان سودا وزیرلیگی رسمیلریگه ته‌یه‌نیب خبر بېریشیچه، بو کېلیشوو افغان سوداگرلری نینگ مراجعتیدن سۉنگ عملگه آشیریلگن.
خبرگه کۉره، حاضرده کراچی بندریده کته خرجتلرگه دوچ کېله‌یاتگن افغانستان وارد قیلووچیلری اۉز کانتینرلرینی کۉچیریش اوچون «بیر مرته‌لیک امتیاز» بېریلیشینی سۉره‌گن.
بو حالت شونده‌ی بیر پیتده یوز بېرماقده‌کی، افغانستان و پاکستان اۉرته‌سیده‌گی چېگره اۉتیش یۉللری نینگ قیته آچیلیشیگه عاید هېچ قنده‌ی علامت موجود اېمس.
پاکستان سودا وزیرلیگی رسمیسی دان گزېته‌سیگه شونده‌ی ایتیشیچه: «هه، بیز یوکلرینی قیته صادرات قیلیش اوچون وزیرلیککه مراجعت قیلگن علیحده وارد قیلووچیلرگه خطلر یوباردیک.»
خبرگه کۉره، کراچی بندریده اېنگ کۉپ قالیب کېتگن کانتینرلر مالزیادن بۉلیب، اولر افغانستانده فایده‌لنیله‌دیگن پالم یاغینی اۉز ایچیگه آله‌دی.
شونینگدېک، چین و وېتنامدن کېلگن یوکلر هم حاضرده کراچی بندریده قالیب کېتگن.
پاکستان اولراق بیرلشگن ملتلر تشکیلاتی نینگ یاردم یوکلریگه افغانستانگه اۉتیشگه رخصت بېرگن اېدی، بیراق ایتیلیشیچه، طالبان بو یوکلر نینگ کیریب کېلیشیگه تۉسقینلیک قیلگن.
افغانستان و پاکستان اۉرته‌سیده‌گی چېگره اۉتیش یۉللری اکتبر آییده حربی ترنگلیک سبب یاپیلگن و شوندن سۉنگ ایکی تامان اۉرته‌سیده‌گی سودا توخته‌ب قالگن.
