طالبلر ایران‌دن «رد مرز قیلینگن» ایکّی حربینی نیمرزوده اوشلب آلگن
۸صبح، تخار: تخار ولایتیده‌گی محلی منبعلر، طالبلر ایران‌دن «رد مرز قیلینگن» سابق حکومت ایکّی حربیسینی نیمروزده اوشلب آلگنینی ایته‌دیلر.
۸صبح، کونده‌لیگیگه صحبت بېرگن منبعلرنینگ معلوم قیلیب ایتیشیچه، طالبان استخبارات ریاستی نینگ کوچلری سابق حکومت ایکّی حربیسینی ۲۶- عقرب جمعه کونی نیمروز چیېگره‌سیده حبسگه آلگنلر.
غلام محمد نظری و آصف‌الله عظیمی اسملی اوشبو ایکّی عسکر تخار ولایتی رستاق اولسواللیگی‌نینگ یشاووچیلری اېکنی ایتله‌دی.
نظری و عظیمی سابق حکومت نینگ ایچکی ایشلر همده مدافعه وزیرلیگی‌نینگ عسکرلری بۉلگنینی بیلدیردی منبع.
منبع نینگ کۉپه‌یتیریشیچه، مذکور ایکّی حربی سابق حکومت قوله‌گندن سۉنگ قاچاق یۉلی بیلن اۉزلرینی ایران‌گه یېتکزگن، لېکن او مملکت پولیسی آرقلی قۉلگه آلینیب رد و مرز قیلینگنلر.
طالبلر هنوزگچه بوحقده بیرار نرسه دېمه‌گنلر.
افغانستان‌ده طالبان‌نینگ حاکمیتی قته‌دن اۉرنه‌تیلگچ، سابق حکومت نینگ اۉنلب عسکری ایریم ولایتلر اینیقسه قۉشنی مملکتلردن اۉز یورتیگه قیته‌دیگنده اوشلب آلینگنلر، تورمه‌گه تشلنگنلر و ایریم موردلرده اېسه قتل اېتیلگنلری ایتیله‌دی.
لېکن طالبلر هر دایم بو قبیل ادعالرنی رد قیلیب، رهبرلری آرقلی اعلان قیلیتگن «عمومی عفونی» رعایت قیلیب کېلگنلرنی تیلگه آله‌دیلر.
