طالبان تشقی ایشلر وزیرلیگی‌نینگ رسمی حجتلرنی تصدیقلش خدمتلری افغانستان‌نینگ ۱۰ اولسواللیگیده باشلندی
۸صبح، کابل: طالبان تشقی ایشلر وزیرلیگی کونسوللیک خدمتلرینی آسانلشتیریش مقصدیده مملکت‌نینگ ۱۰ اولسواللیگیده رسمی حجتلرنی تصدیقلش جریانی باشلنیشینی اعلان قیلدی.
طالبان تشقی ایشلر وزیرلیگی‌نینگ اخبارات و عاموې علاقه‌لر باشلیغی حافظ ضیا احمد تکل یک‌شنبه کونی، ۲۸ سرطان، ایکس صحیفه‌سیده بو خدمتلر وطنداشلر‌نینگ بېلگیلنگن اولسواللیکلرده کونسوللیک خدمتلریدن آسانراق فایده‌لنیشی اوچون تقدیم اېتیلیشینی اَیتدی.
اونینگ سۉزلریگه کۉره، بو خدمتلر کابل‌نینگ سروبی و قره‌‌باغ اولسواللیکلری، قندهار‌نینگ سپین بولدک اولسواللیگی، هرات‌نینگ شیندند اولسواللیگی، بلخ‌نینگ کلدار یاکه حیرتان اولسواللیگی، ننگرهار‌نینگ مومند دره یاکه تورخم اولسواللیگی، هلمند‌نینگ گرشک اولسواللیگی، قندوز‌نینگ امام صاحب اولسواللیگی، غزنی‌نینگ جاغوری اولسواللیگی و پکتیا‌‌نینگ سمکنی اولسواللیگیده یۉلگه قۉییله‌دی.
طالبان تشقی ایشلر وزیرلیگی‌نینگ اَیتیشیچه، وطنداشلر ۱۴۰۵ هجری-شمسی ییلی‌نینگ ۱-اسدیدن باشلب اوشبو اولسواللیکلرده‌گی افغان پُست بۉلیملری آرقه‌لی اۉز حجتلرینی تصدیقلش اوچون تشقی ایشلر وزیرلیگی یاکه وزیرلیک‌نینگ ولایت باشقرمه‌لریگه یوباریشلری همده تصدیقلنگندن سۉنگ حجتلرینی اۉشه اداره‌لردن قبول قیلیب آلیشلری ممکن.
