سمنگانده طالبان تۉیلرده عکاسلیک و تصویربردارلیکنی منع قیلدی
۸صبح، سمنگان: سمنگانده طالبان‌نینگ امربه معروف و نهی از منکر ریاستی برچه تۉی سالونلری اېگه‌لریگه آغزه‌گی بویروق بیریب، بوندن کېین بو ولایتده تۉی محفللرده عکاسلیک و تصویربردارلیکنی ممنوع دېب اعلان قیلگن.
محلی منبعلر ۲۸-عقرب یک‌شنبه بو تۉغریده‌گی بویروق تیناوون طالبان‌نینگ امربه معروف رییسی مولوی حبیب‌الله حماس آرقلی ولایت مقامیده تۉی سالونلری‌نینگ اېگه‌لری بیلن اۉتکزگن ییغینده اعلان قیلگن دېدیلر.
منبعلرنینگ ایتیشیچه، بو تۉغریده‌گی بویروق طالبان امربه معروف و نهی از منکر وزیرلیگی‌نینگ سرپرستی محمدخالد حنفی‌نینگ آغزه‌گی هدایتی اساسیده صادر بۉلگن.
بو دستور اساسیده، تۉیلرده عکاسلیک و تصویربردارلیک منع قیلینگن و خاتینلر اېسه کېسکین بو ایشنی بجره آلمسلیکلری حقیده تاکیدلنگن.
حماس بو ییغینده تۉیلرده رقصه‌گه توشیش و موسیقه قۉییش اصلا ممکن اېمس دېب تیلگه آلگن.
عین حالده، او تۉی سالونلری اېگه‌لریگه تاپشیبریلگن بویروقدن باش تارتگن تقدیرده، اولر بیلن «شرعی یاند‌ه‌شیله‌دی» دېب آگاهلنتیرگن.
بوندن آلدین طالبان‌نینگ فاریاب وجوزجانده‌گی امر به معروف ریاستی تۉیلرده عکاسلیک و تصویربردارلیکنی منع قیلگن اېدیلر.
افغانستانده طالبان حاکمیتی قیته تیکله‌نیشی آرتیدن مذکور گروه مملکت یشاووچیلرنینگ اجتماعی حیاتی اوچون بیر قنچه آغیر چېکلاولر یره‌تدی.
حاضرگی کونده مکتبلر، بیلیم یورتلری، آرایشگاهلر و شخصی همده دولتی دفترلر خاتین – قیزلر یوزیگه یاپیب قوییلگن.
