سمنگانده بیر مو‌تر اغدریلیشی عاقبتیده اوچ کیشی جان بېردی
۸صبح، سمنگان: سمنگان–مزار یۉنه‌لیشیده بیر مو‌تر‌نینگ اغدریلیشی عاقبتیده اوچ کیشی جان بېریب، ینه اوچ کیشی یره‌لندی.
طالبان نظارتیده‌گی باختر یک‌شنبه کونی، ۱-سنبله، خبر بېریشیچه، بو حادثه بوگون اېرته‌لب سمنگان ولایتی‌نینگ خلم اولسواللیگیده‌گی گولایی صیاد حدودیده یوز بېرگن.
خبرگه کۉره، طالبان‌نینگ سمنگان ولایتی خوفسیزلیک قومندانلیگی سۉزلاوچیسی حشمت‌الله رحمانی، اغدریلگن مو‌تر بیرته کرولا بۉلگنینی اَیتگن.
اونینگ سۉزلریگه کۉره، اوشبو مو‌تر‌نینگ برچه یۉلاوچیلری بامیان ولایتی اهالیسی بۉلگن.
او حددن تشقری تېزلیکنی اوشبو قانلی یۉل-ترانسپورت حادثه‌سی‌نینگ اساسی سببی دېب بیلگن.
بو حالتده اېسه یۉللر‌نینگ اېسکیرگنلیگی، یۉل حرکتی قاعده‌لریگه رعایه قیلمسلیک و حددن تشقری تېزلیک مملکت‌نینگ تورلی حدودلریده دایما قانلی یۉل-ترانسپورت حادثه‌لری‌نینگ صادر بۉلیشیگه سبب بۉلیب کېلماقده.
