ترافیک حادثه‌لری؛ سمنگان‌ده ایکّی کیشی جان بېریب و یه تۉرت کیشی یره‌لندی
۸صبح، سمنگان: طالبان‌نینگ سمنگان ولایتی خوفسیزلیک قوماندانلیگی سۉزلاوچیسی حشمت‌الله رحمانی، اوشبو ولایتده ایکّی علیحده ترافیک حادثه‌سیده ایکّی کیشی جان بېرگنی و ینه تۉرت کیشی یره‌لنگنینی معلوم قیلدی.
جناب رحمانی، دوشنبه کونی، ۱۹ اسد، بیرینچی حادثه‌ده سمنگان ولایتی‌نینگ مرکزی بۉلگن آیبیک شهریده‌گی قچندره کۉپریگی حدودیده کرولا روسوملی موتر یوک‌تشووچی موتر بیلن تۉقنه‌شگنینی اَیتدی.
رحمانی قۉشیمچه قیلیشیچه، ایکّینچی حادثه‌ده تاشقرغان اولسواللیگی چوک حدودیده کرولا روسوملی موتر آلتی یاشلی باله‌نی اوریب یوبارگن.
اونینگ اَیتیشیچه، بو باله اوشبو حادثه عاقبتیده جان بېرگن.
افغانستانده ترافیک حادثه‌لری کۉپ حاللرده هیداوچیلر‌نینگ احتیاطسیزلیگی، رخصت اېتیلگن تېزلیکدن آشیب کېتیش، یۉللرده‌گی معمالر و یۉل حرکتی قاعده‌لریگه رعایه قیلمسلیک سببلی صادر بۉله‌دی.
