طالبان رهبری اۉزی نینگ خوفسیزلیگی تامینله‌نیشی اوچون «مخصوص قوماندان» تعیینله‌دی
۸صبح، کابل: طالبان نینگ غیابتده‌گی رهبری ملا هبت‌الله آخوندزاده، بو گروه نینگ انتحاری کندک قوماندانی همده هلمند نینگ سابق والیسی عبدالاحد طالبنی اۉزی نینگ «مخصوص کوچلری قوماندانی» صفتیده تعیینله‌گن.
طالبان سۉزلاوچیسی ذبیح الله مجاهد ۸ عقرب، دوشنبه کونی ایکس اجتماعی صحیفه‌گه یازیشیچه، ملا هبت‌الله، عبدالرحمن قندوزینی بو گروه نینگ هلمند ولایتی اوچون ینگی والیسی اېتیب تعیینله‌گن دېدی.
عبدالاحد طالب بوندن آلدین طالبلرنینگ انتحاری کندک قوماندانی و بو گروه نینگ هلمندده‌گی والسی اوله‌راق ایشله‌گن.
او، ۱۴۰۲- ییل ۱۴- جوزاده ملاهبت‌الله آرقلی یوباریلگن بیر هیت تامانیدن بو گروه نینگ عمری قطعه‌سی انتحاری کندک اعضالریگه تانشیرتیلگن اېدی.
عبدالاحدطالب نینگ پنجشیر اوروشیده هم دېیرلی رولی و حضوری بۉلگن.
بوندن آلدین افغانستان ملی خوفسیزلیک سابق باشلیغی رحمت الله نیبل، طالبلر رهبری قندهارده اۉزیگه یقین آدملردن تشکیل بۉلگن ۴۰ مینگ کیشیلیک بیر حربی کوچ تشکیل اېتگنی حقیده ادعا قیلگن اېدی.
نبیل، ملاهبت‌الله نینگ اوروش و حربی تجربه‌سی یۉقلی باعث، مذکور ۴۰ مینگ کیشیلیک حربی کوچنی جنجاللر کۉپه‌یگنی و بو گروه باشلیغلری اۉرته سیده ایشانچ‌سیزلیک فضاسی ایجاد بۉلگدن کېین تشکیل بېردی دېب ایتگن اېدی.
نبیل نینگ سۉزلریگه کۉره، طالبلر قیته حاکمیت تېپه‌سیگه کېلگنی نینگ بیرینچی ییلیده، اوشبو حربی کوچلر مالی حجتدن تامیلنه‌نیشی اوچون بو گروه نینگ مدیریتی آستیده‌گی مالیه وزیرلیگیدن ۶۰ میلیارد افغانی خرجت سۉره‌گن اېدی.
