طالبان هراتده آزیق-آوقت و دارولر صفتینی بهالش لابراتوار‌ینی آچدی
۸صبح،هرات: طالبان هراتده آزیق-آوقت محصولاتلری، دارو-درمانلر و ساغلیقنی سقلش محصولاتلری صفتینی بهالش بۉییچه ستندرد لابراتوار آچیلگنینی معلوم قیلدی.
طالبان باش وزیری‌نینگ اقتصادی مسأله‌لر بۉییچه اۉرین‌باسری ملا عبدالغنی برادر یک‌شنبه کونی، ۱۸-اسد، هراتده اوشبو لابراتوار‌نی آچیب، فایده‌لنیشگه تاپشیردی.
طالبان‌نینگ اَیتیشیچه، اوشبو لابراتوار آزیق-آوقت محصولاتلری، دارو-درمانلر و ساغلیقنی سقلش محصولاتلری صفتینی بهالش امکانینی بېره‌دی همده محلی ایشلب چیقریش محصولاتلری‌نینگ تشقی بازارلرده رقابت‌برداشلیگینی آشیریشگه یاردم بېریشی ممکن.
برادر اوشبو مرکز‌نینگ آچیلیشینی محلی ایشلب چیقریش محصولاتلری صفتینی آشیریش و صفتسیز محصولاتلر آلیب کېلیشی‌نینگ آلدینی آلیش یۉلیده‌گی مهم قدم دېب اته‌دی.
او سوداگرلردن مملکتگه صفتسیز محصولاتلرنی آلیب کیریشدن واز کېچیشنی سۉره‌دی.
طالبان باش وزیری‌نینگ اقتصادی مسأله‌لر بۉییچه اۉرین‌باسری، شونینگدېک، محلی ایشلب چیقرووچی کمپنی و فابریکه‌لردن محصولاتلر صفتیگه جدّی اعتبار بېریشنی سۉره‌دی.
