طالبان بلخده قریب ۶۰۰ جریب یېرنی اېگهللب آلدی
۸صبح، بلخ: طالبان عدلیه وزیرلیگی بلخ ولایتیده قریب ۶۰۰ جریب یېرنی اۉز تصرفیگه آلگنینی معلوم قیلدی.
اوشبو وزیرلیک یکشنبه کونی، ۵ مېزان، اعلان قیلگن بیاناتیده اوشبو یېرلر ««پروژه خاتمالانبیا»گه تېگیشلی بۉلگنینی و بلخ ولایتی مرکزی مزارشریف شهرینینگ ۱۲-ناحیهسیدهگی قلعه قلمحمد حدودیده جایلشگنینی یازگن.
طالبان عدلیه وزیرلیگی اوشبو یېرلرگه عاید حجتلر «شمالی حدود دولت تامانیدن تارتیب آلینگن یېرلر ایشلرینی کۉریب چیقووچی مخصوص محکمه»ده کۉریب چیقیلگنینی قۉشیمچه قیلگن.
طالبان حاکمیتگه قَیتگنیدن سۉنگ اَیریم یېرلر و شهرچهلرنی تېکشیریش همده قَیتریب آلیش جریانینی باشلهگن و بو یېرلرنینگ بیر قِسمی «اسلام امیرلیگی»گه تېگیشلی اېکنینی دعوا قیلماقده.
