طالبان تخار ده سابق حکومت محلی بیر پولیس نی آتیب اۉلدیردی
۸صبح، تخار: محلی منبعلر طالبان تخار ولایتی دشت‌قلعه تومنیده سابق حکومت محلی بیر پولیس عسکرینی آتیب اۉلدیرگنلرینی ادعا قیلگنلر.
منبعلر ۸صبح کونده‌لیگی گه ایتیشلریچه، اوشبو پولیس ۲۹ حمل، چهارشنبه کیچه ساعت ۸:۳۰ اطرافیده دشت‌قلعه تومنی حدودلری «النگ» قیشلاغیده آتیب اۉلدیریلگن.
اسلام‌الدین آتی بولگن مذکور سابق حربی، سابق حکومت محلی پولیس کوچلری اعضاسی اېکن.
منبعلر گه کوره، اسلام‌الدین ایکینی باشیدن قیتگن چاغیده اوی یقینیده طالبان نینگ موتر سایکل ده‌گی ایکّی جنگریسی تامانیدن آتیب اۉلدیریلگن.
طالبان بوتوغریده حاضرگچه فکر-ملاحظه بیلدیرمه‌گن.
اۉتگن ییل ۲۷ جدی، طالبان سابق حکومت بیر عسکرینی ایران دن قیتگندن سۉنگ کابل ده آتیب اۉلدیرگن اېدیلر.
ایتیش کېره‌ک که طالبان ایکّینچی مرته قدرت نی آلیشیدن سۉنگ هردایم خلق‌ارا انسان حقلری نهادلری تامانیدن سابق حکومت حربی کوچلرینی توتقینلش و قییناق‌لش گه عیبلنگن، بیراق بو گروه هردایم بو ادعالرنی رد قیلگن.
