عراقده امریکا ایلچیخانه‌سی راکت و درون هجوملری آرقه‌لی نشانگه آلیندی
رویترز خبر بېریشیچه، عراقده امریکا قۉشمه ایالتلری‌نینگ ایلچیخانه‌سی راکت و درون هجوملریگه اوچره‌گن.
اوشبو یېتکرمه عراق خوفسیزلیک منبعلریگه ته‌ینیب خبر بېریشیچه، راکت‌لر و کمیده بېش درون سه‌شنبه تانگیده، ۱۷- مارچ کونی، بغدادده‌گی امریکا ایلچیخانه‌سی تامان اوچیریلگن.
خبرگه کۉره، ایکّی درون هوا مدافعه تیزیمی تامانیدن اوریب توشیریلگن و بیر درون ایلچیخانه حدودیگه اوریلگن، او یېردن توتون و آلاو کۉزه‌تیلگن.
شونینگدېک، پارتلش آوازلری عراق پایتختیده اېشیتیلگن.
خبرگه کۉره، عراقده ایران قۉللب-قوّتله‌یدیگن گروهلر امریکا و اسراییل هجوملری باشلنگنیدن سۉنگ، بغدادده‌گی امریکا ایلچیخانه‌سیگه بیر نېچه بار هجوم قیلگن.
