پزشکیان ایران و عراق اۉرته‌سیده‌گی هر تامانله‌مه همکارلیکنی کېنگه‌یتیریشگه اورغو بېردی
ایران جمهور باشلیغی مسعود پزشکیان، ایران و عراق اۉرته‌سیده‌گی همکارلیکنی کېنگه‌یتیریش همده منطقه مملکتلری اۉرته‌سیده‌گی هم‌جهتلیکنی مستحکملش ضرورلیگینی تأکیدلب، تهران بغداد بیلن تورلی ساحه‌لرده علاقه‌لرنی رواجلنتیریشنی ایسته‌شینی اَیتدی.
ایرنا اخبارات آژانسی، پنج‌شنبه کونی، ۲۳ جولای، خبر بېریشیچه، پزشکیان ایران و عراق مناسبتلرینی عادی قۉشنی ایکّی دولت اۉرته‌سیده‌گی علاقه‌لردن یوقاری دېب بهالب، اولرنی تاریخی، مدنی، دینی و تمدن رشته‌لرگه اساسلنگنینی تعریفله‌گن.
اونینگ اَیتیشیچه، ایران عراق بیلن اقتصادی، سودا، بیلیم، تکنالوژی، مدنیت و سیاست ساحه‌لریده همکارلیکنی کېنگه‌یتیریشنی قۉللب-قوّتله‌یدی.
پزشکیان شونینگدېک، منطقوی همکارلیکنی مستحکملش منطقه‌ده تینچلیک، خوفسیزلیک، فراوانلیک و برقرار رواجلنیشگه یاردم بېریشی همده اسلام مملکتلری اۉرته‌سیده‌گی همکارلیک اوچون اورنک بۉلیشی ممکنلیگینی تأکیدله‌دی.
بو بیاناتلر منطقه‌ده‌گی کېسکینلیکلر هنوز دوام اېته‌یاتگن بیر پیتده ینگره‌ماقده. ایران خوفسیزلیک منبعلری امریکا‌نینگ ایران و عراق چېگره‌سیده‌گی شلمچه چېگره حدودگه اویوشتیرگن راکت هجومی عاقبتیده ایکّی کیشی هلاک بۉلگنینی معلوم قیلگن.
