بیرلشگن ملتلر تشکیلاتی باش کاتبی حماس‌دن گروگه آلینگنلر آزاد قیلینیشینی سۉره‌دی
اسراییل و فلسطین اۉرته‌سیده‌گی اوروش ایکّینچی هفته‌گه اۉتر اېکن، غزده انسانی بحران دوامی باره‌سیده‌گی تشویشلر آشیب بارماقده.
بیرلشگن ملتلر تشکیلاتی نینگ باش کاتبی آنتونیو گوتریش، شنبه کېچه‌سی۲۱- اکتوبر مصرنینگ رفح بندریگه قیلگن سفریدن کیین اوشبو اوروشگه عکس‌العمل کۉرسه‌تیب «مېنینگ بوگون اۉرته شرقدن ایسته‌گیم» عنوانی آستیده اۉز طلبلرینی تیلگه آلدی.
او، گروگه آلینگن انسانلر هیچ قنده‌ی شرط سیز تېزلیک بیلن آزاد قیلینیشی و غزه‌ده‌گی ناحربیلرگه هیچ قنده‌ی بیر چېکلاوسیز انسان پرورلیک یاردملر یېتکزیب بېریلیشینی سۉره‌دی قیلدی.
شونینگدېک او، ایکس‌گه بیر پست نشر قیلیش بیلن زوروانلیک و خوف آرتیشی نینگ آلدی آلینیشی حقیده اعلان قیلینگن سعی و تلاشلرنی حمایت قیلدی.
بیرلشگن ملتلر تشکیلاتی باش کاتبی آنتونیو گوترریش کېچه غزاگه کیریش اوچون انسان‌پرورلیک یاردمگه تۉله یوزلب یوک مو‌ترلری کوته‌یاتگن رفح اۉتیش جاییگه تشریف بویوردی.
اونینگ سفریدن سۉنگ، نهایت، ۲۱ اکتوبر، شنبه کونی آزیق-طعام و دارو-درمانلرگه تۉله ۲۰ ته مو‌تردن عبارت انسان‌پرورلیک یاردم کاروانیگه غزه‌گه کیریشگه رخصت بېریلدی.
بیراق، تینچ اهالی نینگ غزده بۉلگن احتیاج درجه‌سی حسابگه آلینسه، بو یاردملر تامچی حسابلنمه‌یدی و رفح اۉتیش جاییده کوتیب تورگن کامیونلرگه نینگ غزه‌گه کیریشیگه رخصت بېریش کېره‌ک.
عینِ پیتده، خبرلرگه کۉره، ۲۰۰ گه یقین گروگه آلینگنلر، جمله‌دن، خارج فقرالری هم حماس تامانیدن اوشلب توریلگن و یقینده بو گروه قطر واسطه‌چیلیگیده ایکّی امریکالیک آزاد قیلگندی.
