بیرلشگن ملتلر تشکیلاتی افغانستاندهگی دهقانلرنی قۉللب-قوّتلش ضرورلیگینی تأکیدلهدی
۸صبح، کابل: افغانستاندهگی بیرلشگن ملتلر تشکیلاتی نینگ ترقیات دستوری (UNDP) برقرار درآمد یرهتیش مقصدیده دهقانلرنی قۉللب-قوّتلش ضرورلیگینی تأکیدلهدی.
اوشبو تشکیلات، سهشنبه کونی، ۹ سرطان، ایکس صحیفهسیده یازیشیچه، افغانستان جمعیتی نینگ برقرارلیگی دستوری آرقهلی حمیدالله اسملی بیر دهقانگه ایسّیقخانه تشکیل اېتیشده یاردم کۉرسهتگن.
تشکیلات نینگ معلوم قیلیشیچه، بو افغان دهقانیگه افغانستاندهگی اروپا اتفاقی وکالتخانهسی یاردمیده یاردم بېریلگن.
بیرلشگن ملتلر تشکیلاتی نینگ ترقیات دستوری معلوماتلریگه کۉره، حمیدالله ایسّیقخانهده بیر تُندن آرتیق بادرنگ حاصلینی ییغیب آلیب، اۉز عایلهسی اوچون برقرار درآمد منبعینی یرهتیشگه موفق بۉلگن.
سورونکهلی قورغاقچیلیکلر، اوزاق دوام اېتگن اوروشلر همده اېکین اېکیش و حاصل ییغیب آلیش جریانی نینگ عنعنوی اصوللرده آلیب باریلیشی افغانستاندهگی اېکینچیلیککه جدّی ضرر یېتکزگن.
