بیرلشگن ملتلر تشکیلاتی هراتده ۵۰۰ دن آرتیق اۉقووچی اوچون بیر مکتبنی قَیته تیکله‌دی
۸صبح، کابل: بیرلشگن ملتلر تشکیلاتی نینگ انسان یشه‌ش جایلری دستوری ایتیشیچه، هراتده‌گی زلزله عاقبتیده ویران بۉلگن بیر مکتبنی ۵۰۰ دن آرتیق اۉقووچی اوچون قَیته تیکله‌دی.
اوشبو دستور سه‌شنبه کونی، ۱-ثور، خبریده بو مکتبنی ابوعلی سینا نامی بیلن تیلگه آلدی.
بیرلشگن ملتلر تشکیلاتی نینگ انسان یشه‌ش جایلری دستوریگه کۉره، اوشبو تشکیلات قۉشیمچه قیلگن: «۲۰۲۳-ییلده‌گی ویرانکار زلزله بو مکتبگه جدّی ضرر یېتکزدی و ۵۰۰ دن آرتیق اۉقووچینی خوفسیز بۉلمه‌گن صنفلرده تعلیم آلیشگه مجبور قیلدی.»
دستور تأکیدله‌شیچه، حاضر مکتب بمتده‌گی افغانستان ایشانچ جمغرمه‌سی کۉمه‌گیده اۉرگنیش اوچون خوفسیز محیطگه ایلنتیریلگن.
بو مکتب هرات نینگ انجیل تومنیده ۵۶ مینگ امریکا دالری خرجت بیلن قَیته تیکلندی.
بیرلشگن ملتلر تشکیلاتی نینگ انسان یشه‌ش جایلری دستوری ۲۰۲۳-ییلده هراتده زلزله عاقبتیده ویران بۉلگن ینه بیر نېچه مکتبلر قَیته تیکلنگنی حقیده هم خبر بېرگن اېدی.
