بیرلشگن ملتلر تشکیلاتی خوفسیزلیک کېنگشی اېرته‌گه افغانستان بۉییچه ییغیلیش اۉتکزه‌دی
۸صبح، کابل: افغانستاندهگی بیرلشگن ملتلر تشکیلاتی نینگ یاردم هیاتی (یوناما) اداره‌سی بیرلشگن ملتلر تشکیلاتی خوفسیزلیک کېنگشی اېرته‌گه افغانستان حقیده ییغیلیش اۉتکزیشینی معلوم قیلدی.
یوناما، یک‌شنبه کونی، ۱۷ جوزا، ایکس صحیفه‌سیده یازیشیچه، اوشبو ییغیلیش کابل وقتی بیلن کېچکی ساعت ۶:۳۰ ده نیویارک‌ده‌گی بیرلشگن ملتلر تشکیلاتی قرارگاهیده اۉتکزیله‌دی.
اوشبو ییغیلیشده یوناما سرپرستی جورجت گانیون افغانستاندهگی وضعیت حقیده خوفسیزلیک کېنگشیگه حسابات تقدیم اېتیشی رېجه‌لشتیریلگن.
شونینگدېک، ۲۶- جوزا کونی بیرلشگن ملتلر تشکیلاتی خوفسیزلیک کېنگشیده یونامانینگ افغانستاندهگی فعالیت مدتینی اوزه‌یتیریش مسأله‌سی بۉییچه ینه بیر ییغیلیش اۉتکزیلیشی رېجه‌لشتیریلگن.
بیرلشگن ملتلر تشکیلاتی خوفسیزلیک کېنگشی‌نینگ آلدینگی ییغیلیشیده یوناما فعالیتی اوچ آی مدتگه اوزه‌یتیریلگن اېدی.
