ترمپ امریکا‌نینگ راکت ذخیره‌لری کمه‌یگنی حقیده‌گی خبرلرنی رد اېتدی
امریکا جمهور باشلیغی دونال ترمپ، پنتاگون‌نینگ راکت ذخیره‌لری کمه‌یگنی حقیده‌گی خبرلرنی رد اېتدی و مملکت اوردوسی کتّه مقدارده‌گی ذخیره‌لرگه اېگه اېکنینی تأکیدله‌دی.
ترمپ پنج‌شنبه، ۶ آگست، تروث‌سوشال اجتماعی ترماغیده‌گی خبریده امریکا جوده کتّه مقدارده اۉق-دارولرگه اېگه‌لیگینی و قورال-یراغ ایشلب چیقریش هم تېز سرعتلرده آشیب باره‌یاتگنینی یازدی.
امریکا جمهور باشلیغی، اوشبو خبرلرنی اعلان قیلگن منبعلرگه هم مناسبت بیلدیریب، بو‌نینگ اوچون مسؤول شخصلر قانونی عاقبتلرگه دوچ کېلیشیدن آگاهلنتیردی.
ترمپ شونده‌ی یازدی: «بو خیانت‌کارانه بیاناتلرنی آشکار قیلگن شخصلر تعقیب قیلینماقده و اولر اوچون اوزاق مدتلی قماق جزالری طلب قیلینه‌دی.»
بو بیاناتلر امریکا عامه‌وی اخبارات واسطه‌لریده پنتاگون‌نینگ راکت ذخیره‌لری کمه‌یگنی حقیده‌گی خبرلر اعلان قیلینگنیدن سۉنگ بیلدیریلدی.
مذکور خبرلرده اَیتیلیشیچه، سۉنگگی ماجرالرده قورال-یراغلردن کېنگ کۉلمده فایده‌لنیلیشی امریکا‌نینگ اۉق-دارو ذخیره‌لریگه باسیم اۉتکزیشی ممکن.
