جوزجان‌ده ۲۵ میلیون افغانی مبلغ عوضیگه ایکّیته قالین تۉقیش مرکزی آچیلدی
۸صبح، کابل: طالبان نظارتی آستیده‌گی عامه‌وی اخبارات واسطه‌لری جوزجان ولایتی‌نینگ آقچه اولسواللیگیده ایکّیته قالین ایشلب چیقریش و قَیته ایشلش مرکزی آچیلگنی حقیده خبر بېردی.
باختر اخبارات آژانسی پنج‌شنبه کونی، بیرینچی اسد، جوزجان ولایتی آقچه اولسواللیگی نورآباد مهاجرلر شهرچه‌سیده ۲۵ میلیون افغانی مبلغ عوضیگه ایکّیته قالین ایشلب چیقریش و قَیته ایشلش مرکزی فایده‌لنیشگه تاپشیریلگنینی معلوم قیلدی.
حساباتگه کۉره، اوشبو مرکزلر بیرلشگن ملتلر تشکیلاتی قاچقینلر ایشلری بۉییچه عالی کمیسارلیگی (UNHCR)نینگ مالیوی یاردمی بیلن قوریلگن.
بیاناتده اَیتیلیشیچه، مذکور مرکزلر ۳ مینگ ۵۵۰ متر مربع میدانده برپا اېتیلگن بۉلیب، زمانه‌وی اسکونه‌لر، تخنیک و جهازلر بیلن تأمینلنگن.
شونینگدېک، ۵۵۰ نفر قَیتیب کېلگن مهاجر اوچون ایش ا‌ۉرینلری یره‌تیلگن.
