اوچا: قندهارده داعش نینگ هجومیدن مقصد طالبان اعضالرینی نشانگه آلیش اېدی
۸صبح، کابل: بیرلشگن ملتلر تشکیلاتی نینگ انسان پرورلیک یاردملرینی هماهنگ قیلووچی نماینده‌لیگی (اوچا) اۉز گزارشیده، قندهار ده کابل‌بانک نماینده‌لیگی یقینیده خراسان داعش بولیمی نینگ هجومیدن مقصد، مخصوص شکلده طالبان اعضالرینی نشانگه آلیش بولگنینی اېتگن.
بو گزارش ۲۰ حمل، دوشنبه کیچه «آسیا و اوقیانوسیه منطقه‌لرینی قیسقه تېکشیریش» عنوانیده ترقه‌لگن.
اوچا قندهار ده‌گی سۉنگی هجومنی اۉتگن ایکّی یریم ییلدن کوپراق ده خراسان داعش بولیمی نینگ طالبان اعضالرینی نشانگه آلیش «اېنگ قانلی هجومی» دیه اته‌گن.
اوشبو گزارش اساسیده، مذکور هجوم عاقبتیده طالبان اعضالری شامل ۲۱ کیشی هلاک بولگنلر.
شو بیلن بیرگه، محلی منبعلر نینگ ۸صبح کونده‌لیگی گه، ۲ حمل، پنج‌شنبه کونی قندهار شهری بیرینچی ناحیه حدودلریده اۉیوشتیریلگن خودکش هجومده، طالبان نینگ بیش عملداری شامل ۴۵ دن آرتیق کیشی اۉلیب و باشقه ۵۶ کیشی یره‌دار بولگنینی تصدیقله‌گنلر.
داعش گروهی قندهار ده کابل بانک نماینده‌لیگی یقینیده‌گی هجوم مسوولیتینی تن آلیب و بو گروه جنگری‌لری پارتلش کمربندینی طالبان اعضالری نینگ قریب ۱۵۰ کیشی‌لیک جمعیتی آره‌سیده پارتلتگنینی ادعا قیلگندی.
