یونیسف: افغانستاندهگی ۱۰ یاشلی بالهلرنینگ ۹۰ فایزی اۉقیشنینگ باشلنغیچ کۉنیکمهلریگه اېگه اېمس
۸صبح، کابل: بیرلشگن ملتلر تشکیلاتینینگ بالهلرنی قۉللب-قۉتلش جمغرمهسی (یونیسف)نینگ افغانستاندهگی وکیلی تاجالدین اویوالی افغانستانده هر ۱۰ نفر ۱۰ یاشلی بالهنینگ تۉقّیز نفری اۉقیشنینگ باشلنغیچ کۉنیکمهلریگه اېگه اېمسلیگینی اَیتدی.
اویوالی سهشنبه کونی، ۱۷ سنبله، ایکس جهان سواد اۉرگنیش کونی مناسبتی بیلن ایکس صحیفهسیده افغانستانده بالهلر تعلیمینینگ مهملیگیگه اورغو بېردی.
او سواد اۉرگنیش کونی و باشلنغیچ کۉنیکمهلرگه سرمایه کیریتیش افغانستان کېلهجگیگه سرمایه کیریتیش دېگن معنانی انگلهتیشینی قۉشیمچه قیلدی.
یونیسفنینگ افغانستاندهگی وکیلی هر بیر باله اۉقیش، اۉرگنیش و اۉز صلاحیتینی نمایان اېتیش امکانیتیگه اېگه بۉلیشی کېرهکلیگینی تأکیدلهدی.
بو بیاناتلر بمتنینگ افغانستانده انسان حقوقلری بۉییچه مخصوص گزارشگری ریچارد بنت افغانستاندهگی بالهلر و اۉسمیرلر، اینیقسه قیزلر، تعلیم آلیش امکانیتیدن محروم اېتیلگنینی اَیتگن بیر پیتده ینگرهماقده.
بنت طالبان سیاستی افغان بالهلرینینگ اساسی حقوقلرینی جدّی روشده چېکلب، اولرنینگ کېلهجگینی کتّه خوف آستیده قالدیرگنینی قۉشیمچه قیلدی.
