یونیسف: یقین شرقده اوروش باشلنگنیدن بېری ایکّی مینگدن آرتیق باله جان بېرگن
بیرلشگن ملتلر تشکیلاتی‌نینگ باله‌لرنی قۉللب-قوّتلش جمغرمه‌سی (یونیسف) اعلان قیلیشیچه، یقین شرقده اوروش باشلنگنیدن بویان حاضرگچه ایکّی مینگ و ۱۰۰ دن آرتیق باله اۉلیب و یره‌لنگن.
یونیسف سه‌شنبه، ۲۴-مارچ خبر بېریشیچه، اوشبو تۉقنه‌شوولر دوامیده ایرانده ۲۰۶ باله، لبنان‌ده ۱۱۸ باله، اسراییلده تۉرت باله و کویت بیر باله جان بېرگن.
اوشبو تشکیلات قۉشیمچه قیلیشیچه، اوروش باشلنگنیدن بویان اۉرته‌چه هر کونی تخمینا ۸۷ باله جان بېرگن یاکه یره‌لنگن و زورآورلیکلر دوام اېتسه، قربانلیکلر سانی ینه‌ده آشیشی ممکن.
یونیسف ایران خصوصیده هم فکر بیلدیریب، اوشبو مملکتده تخمینا ۳.۲ میلیون کیشی کۉچیریلگنینی، اولرنینگ قریب ۸۶۴ مینگ نفری باله‌لر اېکنینی معلوم قیلگن.
حساباتگه کۉره، لبنان‌ده هم بیر میلیوندن آرتیق کیشی کۉچیریلگن و تخمینا ۳۷۰ مینگ باله عمومی کۉچیریلگنلر نینگ قریب اوچدن بیر قسمی آغیر شرایطلرده، جمله‌دن مکتبلر کبی جماعت جایلریده باش‌پناه تاپگن.
