بیرلشگن ملتلر تشکیلاتی: باله‌لر افغانستانده اېنگ ضعیف قتلم دیر
۸صبح، کابل: بیرلشگن ملتلر تشکیلاتی افغانستانده توقنشوولر کمه‌یگنیگه قره‌مه‌ی، بو مملکت‌ده باله‌لر هنوز هم جدی آسیب‌پذیرلیک بیر وضعیتده یشه‌یدیلر دېگن.
بیرلشگن ملتلر تشکیلاتی ۱- جدی جمعه کونی کېچقورون افغانستانده قوراللی توقنشوولر و باله‌لر وضعیتی باره‌سیده گزارش یازگن.
گزارشده کېلیشیچه، باله‌لرنینگ اساسی خدمتلرگه کیریشیگه اوزاق دوام اېتگن قوراللی توقنشوولر، کۉچیب کېتیش، قتّیق قشّاقلیک و آزیق-طعام خوفسیزلیگی، تیریکچیلیک امکانیتلری نینگ یۉقلیگی و دولت خدمتلری و طبیعی آفتلر، ایشگه قبول قیلیش و فایده‌لنیش، جنسی زۉرآورلیک کبی جدّی قاعده بوزرلیکلرگه نسبتاً عاجزلیگی تۉسقینلیک قیلگن.
تشکیلات طالباننی ۱۸ یاشگچه بۉلگن شخصلرنی باله‌لیگیده انیقلشگه و گروه صفلریده ایشگه قبول قیلینیشلریگه یۉل قۉیمسلیککه چقیرگن.
حساباتگه کۉره،۲۰۲۱ ییل باشیدن ۲۰۲۲ ییل آخریگچه بۉلگن ایکّی ییلده افغانستانده آیلردن ۱۷ یاشگچه بۉلگن ۳۵۴۵ نفر باله‌گه نسبتاً جمعی ۴۵۱۹ ته جدّی قاعده بوزرلیک حالتی قید اېتیلگن.
بیرلشگن ملتلر تشکیلاتی حساباتیده قاعده بوزرلیکلرنینگ اساسی عیبدارلری طالبان اېکنلیگی ایتیلگن.
بیرلشگن ملتلر تشکیلاتی طالبان باله نینگ خلق‌ارا تصنیفینی ۱۸ یاشگچه بۉلگن شخص صفتیده قبول قیلمسلیگینی معلوم قیلگن و باله‌نی بلاغت علامتلرینی کۉرسه‌تمه‌یدیگن آدم دېب حسابله‌یدی.
بیرلشگن ملتلر تشکیلاتی باش کاتبی نینگ باله‌لر و قوراللی ماجرالر بۉییچه مخصوص وکیلی ویرجینیا گامبا طالباننی باله‌لرنی حمایه قیلیش اوچون اساسی چاره‌لر کۉریشگه چقیرگن.
اونینگ تاکیدلشیچه، ۱۸ یاشگه تۉلگنلرنی باله صفتیده کۉریب چیقیش و اولرنی حربی کوچلر صفیگه جلب قیلینیشیگه تۉسقینلیک قیلیش باله‌لر حقوقلری دورینی بوزیشگه آلیب کېلگن.
اۉتگن ییلی طالبان رهبری ملا هیبت الله آخوندزاده گروه حربی عملدارلریگه طالبان صفلری و حربی قرارگاهلریده کیچیک آدملرنی جلب قیلیشدن تییلیشنی بویورگن اېدی.
طالبان رهبری نینگ ایتیشیچه، گروه بازه‌لریده یاشلرنینگ بۉلیشی فتنه همده نام بدلیککه سبب بۉله‌دی دېگن.
انسان حقوقلری تشکیلاتلری طالباننی اۉز جانیگه قصد قیلیش عملیاتلرده باله‌لردن فایده‌لنیشده عیبله‌دی.
