بیرلشگن ملتلر تشکیلاتی: دنیانینگ ۴۰ فایز جمعیتی اۉز آنه تیللریده اۉقیش آلیشدن محروم
بیرلشگن ملتلر تشکیلاتینینگ اعلام قیلیشیچه دنیا جمعیتیدن ۴۰ فایزی اۉز آنه تیللری آرقهلی اۉقیش آلیشگه قۉل تاپمهیدی و بو مساله اولرنینگ اۉرگنیش قابلیتی آشیریلیشینی قییندلشتیرگن.
اوشبو تشکیلات شنبه کونی، ۲۱-فبروری، بیر حسابات ترقهتیب اعلام قیلیشیچه تیل خیلمه-خیللیگی جدی خوف آستیده دیر چونکه هر کون اوتیشی بیلن کۉپراق تیللر یۉق اېتیلماقده.
شونینگدېک یونسکونینگ خبر بېریشیچه حرمتلرگه سبب بۉلگن فرقلی مدنیت و تیل سقنلیشی بو تشکیلاتنینگ تینچلیک اوچون بۉلگن اینتیلیشلری دایرهسیده دیر.
معلوماتلرگه کۉره، کۉپ تیللیک و مدنیتلیک جماعهلر کۉپینچه تیللری بیلن تانیلهدی و تیللر، بیلیم و عنعنوی مدنیتلرنی یخشی بیر کۉرینیشده سقلشماقده دیر.
یونسکو حساباتی اساسیده، آنه تیل خلقارا کونیدن نشانلش بنگلادیش حرکتی بیلن اۉرتهگه کېلگن و میلادی ۱۹۹۹ -نچی یونسکو عمومی ییغینیده تصدیقلنگن و ۲۰۰۰-نچی ییلدن بیری دنیا بویلب نشانلنیب کېلماقده.
