بیرلشگن ملتلر تشکیلاتی: اوچ میلیوندن آرتیق باله و بیر میلیون حامله‌دار عیال آغیر تۉییب-آوقت‌لنمسلیک خوفی آستیده
۸صبح، کابل: جهان آزیق-آوقت دستوری (WFP)بشارتلرگه کۉره، افغانستانده قریب ۳.۷ مینگ باله اۉتکیر تۉییب-آوقت‌لنمسلیککه دچار بۉلیشینی معلوم قیلدی.
اوشبو تشکیلات سه‌شنبه کونی، ۱۳ اسد، حسابات اعلان قیلیب، باله‌لردن تشقری، افغانستانده قریب ۱.۲ میلیون حامله‌دار عیال و اېمیزیکلی آنه هم تۉییب-آوقت‌لنمسلیک خوفی آستیده اېکنینی بیلدیردی.
جهان آزیق-آوقت دستوری‌نینگ افغانستاندهگی باشلیغی جان آیلیف‌نینگ اَیتیشیچه، افغانستان دنیاده‌گی اېنگ آغیر و اېنگ اوزاق دوام اېته‌یاتگن تۉییب-آوقت‌لنمسلیک بحران‌لریدن بیریگه دوچ کېلماقده و حاضرگی کۉرسه‌تکیچلر اوّلگی بشارتلردن هم آشیب کېتیشی ممکن.
او آگاهلنتیریشیچه، بو جریان دوام اېتسه، ینه‌ده کۉپراق باله‌لر و آنه‌لر آلدینی آلیش ممکن بۉلگن اۉلیملر خوفی آستیده قاله‌دی.
جهان آزیق-آوقت دستوری، شونینگدېک، اوشبو بحران‌نینگ ینه‌ده آغیرلشووی‌نینگ آلدینی آلیش اوچون تۉییب-آوقت‌لنمسلیکنی دوالش و اونینگ آلدینی آلیش خدمتلرینی کېنگه‌یتیریش ضرورلیگینی تأکیدله‌دی.
تشکیلات‌نینگ قۉشیمچه قیلیشیچه، حاضرده اونده تۉییب-آوقت‌لنمسلیک‌نینگ آلدینی آلیش دستورلری اوچون هېچ قنده‌ی بودجه موجود اېمس و کېلگوسی آلتی آی دوامیده اۉز فعالیتینی دوام اېتتیریشی اوچون زودلیک بیلن ۵۴۰ میلیون دالر مبلغ ضرور.
